जळगाव मिरर | ३१ मार्च २०२५
पुणे येथे अभियांत्रीकीच्या शेवटच्या वर्षात शिकणारा विद्यार्थी सुट्टी असल्याने घरी आला होता. घरी असतांना रविवारी त्याने छताला दोरीच्या सहाय्याने गळफास घेत आपली जीवनयात्रा संपविली. ही धक्कादायक घटना रविवारी दुपारी साडेचार वाजेच्या सुमारास शहरातील यशवंत नगरात घडली. लक्षीत राजेंद्र वाघुळदे (वय २२, रा. यशवंत नगर) असे मयत विद्यार्थ्याचे नाव आहे. याप्रकरणी रामानंद नगर पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील यशवंत नगरात राहणारा लक्षीत वाघुळदे हा तरुण आई वडीलांसह वास्तव्यास होता. त्याचे वडील शहरातील सेंट जोसेफ शाळेत शिक्षक असून आई गृहीणी आहे. लक्षीत हा पुण्यात अभियांत्रीकीचे शेवटच्या वर्षात शिक्षण घेत होता. सद्या सुट्टी असल्यामुळे काही दिवसांपुर्वी तो घरी आला होता. लक्षीत हा घरातील वरच्या मजल्यावर एकटाच असतांना त्याने दोरीच्या सहाय्याने गळफास घेत आपली जीवनयात्रा संपविली. दुपारी साडेचार वाजेच्या सुमारास त्याचे कुटुंबिय हे लक्षीतला बोलविण्यासाठी गेले असता, लक्षीत हा त्यांना गळफास घेतलेल्या अवस्थेत दिसून आला.
मुलाचा गळफास घेतलेल्या अवस्थेत मृतदेह दिसताच लक्षीतच्या आईवडीलांनी हंबरडा फोडीत एकच आक्रोश केला. अभियांत्रीकीचे शिक्षण घेणाऱ्या मुलाने आत्महत्येसारखे टोकाचे पाऊल उचलल्यामुळे त्याच्या कुटुंबियांना मानसिक धक्क बसला आहे. लक्षीतच्या पश्चात आईवडी आणि विवाहीत बहिण असून ती सद्या कॅलोफोर्निया येथे वास्तव्यास आहे.
