जळगाव मिरर । २६ मार्च २०२६
भुसावळ शहरात शैक्षणिक क्षेत्रात एक महत्त्वपूर्ण पाऊल उचलत जयिष्णू मेडिकल / IIT गुरुकुल’ या नव्या शैक्षणिक संस्थेचा शुभारंभ सोहळा आयोजित करण्यात आला आहे. पालकांच्या १६ वर्षांच्या विश्वासाच्या भक्कम पायावर उभ्या असलेल्या या संस्थेच्या नव्या वास्तूचे उद्घाटन दि. २८ मार्च २०२६ रोजी सायं. ४:०० वाजता पार पडणार आहे.
भुसावळ शहरातील शारदा नगर, एन. के. नारखेडे स्कूल मार्ग, येथे नव्याने उभारण्यात आलेल्या या अत्याधुनिक इमारतीत विद्यार्थ्यांना ज्ञान, संस्कार आणि यशाची नवी दिशा देण्याचा संकल्प संस्थेने केला आहे. हा सोहळा केवळ उद्घाटनापुरता मर्यादित नसून, पालक, विद्यार्थी आणि शिक्षक यांच्या प्रेम, विश्वास आणि सहकार्याचा उत्सव म्हणून साजरा केला जाणार आहे.
संस्थेच्या संचालिका सौ. सविता वाणी आणि श्री दिलीप वाणी यांनी सर्व नागरिकांना या प्रेरणादायी आणि अभिमानास्पद सोहळ्यास उपस्थित राहण्याचे आवाहन केले आहे. त्यांच्या मते, विद्यार्थ्यांच्या सर्वांगीण विकासासाठी आधुनिक शिक्षणासोबत संस्कारक्षम वातावरण देणे हीच गुरुकुलाची खासियत असेल.
या नवीन प्रवासात विद्यार्थ्यांना स्पर्धा परीक्षांसाठी सक्षम बनवण्यासोबतच त्यांच्यात आत्मविश्वास, शिस्त आणि मूल्यांची जडणघडण करण्यावर विशेष भर दिला जाणार आहे. ‘PACE IIT | Medical | MHT-CET’ या नामांकित संस्थेच्या सहकार्याने चालणारे हे गुरुकुल विद्यार्थ्यांसाठी एक उत्तम संधी ठरणार आहे. कार्यक्रमाला उपस्थित राहून संस्थेच्या या नव्या वाटचालीस शुभेच्छा देण्याचे आवाहन आयोजकांनी केले आहे.
