जगभरात प्रत्येक देशासह धर्मात लग्नाच्या वेगवेगळ्या प्रथा असतात अशाच काही घटना देशाच्या बाहेर मोठ्या प्रमाणात पाहायला मिळत असतात. ज्या पहिल्यांदा ऐकल्यावर जरा विचित्र वाटू शकतात. पण, तिथल्या काळाच्या आणि गरजेच्या काळात या संस्कृतींनी अतिशय उत्तम काम केलं आहे.
आम्ही तुम्हाला अशाच एका संस्कृतीबद्दल सांगत आहोत. या संस्कृतीत मुलीच्या सुखी वैवाहिक जीवनाला खूप महत्त्व दिलं जातं. या संस्कृतीत, जेव्हा वडील आपल्या मुलीसाठी वर शोधण्याची प्रक्रिया सुरू करतात, तेव्हा त्यांची पहिली प्राथमिकता मुलीची निवड आणि इच्छा असते. त्याचा मूळ उद्देश असा आहे की जेव्हा मुलगी तिच्या आवडीच्या मुलाशी लग्न करते तेव्हा ते लग्न यशस्वी होण्याची शक्यता जास्त असते.
त्यामुळेच या समाजात यशस्वी विवाहाचे प्रमाण ९९ टक्के आहे. हा समाज आहे दक्षिण पूर्व आशियाई देश कंबोडियाचा. येथे क्रेउंग जमातीचे लोक मोठ्या संख्येने राहतात. आधुनिक आणि चांगल्या विचाराच्या बाबतीत तुम्ही या जमातीची संस्कृती खूप पुढे आहे असं म्हणू शकता. यामध्ये मुलींचा खूप आदर आहे. हा समाज मुलींच्या निवडीला प्राधान्य देतो. अशा स्थितीत मुलगी मोठी झाल्यावर जगातील सर्व पित्यांप्रमाणे या समाजातील वडिलांनाही तिच्या लग्नाची काळजी वाटते. मग आपल्या परंपरेनुसार ते स्वत:च्या हाताने घरापासून दूर आपल्या मुलीसाठी ‘लव हट’ बांधतात. लव्ह हट ही संकल्पना अशी आहे, ज्यात मुलगी घरातून किंवा घरापासून दूर तिच्या पालकांच्या नजरेपासून दूर मोकळ्या वातावरणात राहू शकते. मुलगी या लव हटमध्ये राहू लागते. तिथे काही काळ एकटं असताना, ज्यांच्याशी तिच्या नात्याची चर्चा सुरू आहे ती सर्व मुलेही एक एक करून पोहोचतात.
मुलगा आणि मुलगी एकमेकांना जाणून घेण्याचा प्रयत्न करतात. ते एकमेकांच्या आवडी-निवडी समजून घेण्याचा प्रयत्न करतात. सोबत राहत असताना इच्छा असल्यास ते एकमेकांसोबत शारीरिक संबंधही ठेवू शकतात. ही प्रक्रिया तेव्हापर्यंत सुरू राहाते, जोपर्यंत मुलगी आपल्या आवडीनुसार योग्य वराची निवड करत नाही. लव्ह हट ही संकल्पना इथे खूप महत्त्वाची आहे. वास्तविक, या परंपरेचा उद्देश मुलीने खरे प्रेम शोधणे हा आहे. या काळात मुलीवर कोणतेही दडपण येऊ नये म्हणून घरापासून दूर झोपडी बनवली जाते. तिने स्वेच्छेने तिचे खरे प्रेम शोधले पाहिजे, असं हे लोक मानतात.
इथे अजून एक गोष्ट आहे की या झोपडीत येणारी सर्व मुलं रात्रीच्या अंधारात घरात घुसतात आणि पहाटे उजेड पडायच्या आधीच निघून जातात. म्हणजेच इथे मुलगी आणि मुलाच्या नात्याच्या गुप्ततेलाही महत्त्व दिलं जातं. यामुळे भविष्यात वैवाहिक जीवनात कोणतीही अडचण येत नाही. दुसरं म्हणजे, या आदिवासी समाजात केवळ विवाहित जोडपेच दिवसाच्या प्रकाशात एकत्र दिसतात. एका रिपोर्टनुसार, खऱ्या प्रेमाच्या शोधात, मुली सहसा चार ते 10 मुलांना लव्ह हटमध्ये आमंत्रित करतात. ही सगळी मुलं वेगवेगळ्या रात्री इथे येतात. यामध्ये लक्षात घेण्यासारखे आहे की या बैठकीत मुलगा आणि मुलगी यांच्यात शारीरिक संबंध ठेवणे बंधनकारक नाही. हे सर्वस्वी त्या दोघांच्या इच्छेवर अवलंबून आहे.
तुम्हाला ही कथा थोडी विचित्र वाटेल पण ती अतिशय आधुनिक विचारसरणीची आहे. लग्नात मुलींच्या पसंतीला महत्त्व दिल्याने या समाजात लैंगिक अत्याचाराच्या घटना फार कमी आहेत. कंबोडियामध्ये लैंगिक हिंसाचाराच्या घटना फार कमी आहेत. या समाजात मुलांना लहानपणापासूनच मुलींचा आदर करायला शिकवले जाते. इथे मुलीचा छळ झाला तर तिचे स्वातंत्र्य हिरावून घेतल्याचं तिला वाटतं. मुलीच्या पसंतीच्या वराची निवड झाल्यानंतर अतिशय आनंदात विवाहसोहळा पार पडतो. इथे विवाह सोहळा तीन दिवस चालतो.
