जळगाव मिरर । १२ नोव्हेबर २०२२
जळगाव शहरातील एका २९ वर्षीय तरुणीची ऑनलाईन मोबाईलद्वारे तब्बल ५ लाख ४० हजारात फसवणूक झाल्याची घटना घडली आहे. या प्रकरणी सायबर पोलिसात गुन्हा दाखल करण्यात आला आहे.
सविस्तर वृत्त असे कि, शहरातील रहिवासी असलेली एका २९ वर्षीय तरुणीला दि ९ व १० रोजी तिच्या मोबाईलवर अनोळखी इसमाने व्हाटसअपवर संदेश पाठवीत तुम्हाला एका महाविद्यालयात पीएचडीची फी भरण्यास सागितले. यानंतर त्यांच्याकडून परवानगीशिवाय इंटरनेट बँकिगचे आयडी व पासवर्ड घेत बँकेतून गुप्तपणे ४ लाख ७९ हजार तर त्यांच्याकडून युपीआयहून ६१ हजार लांबविले. यानंतर फसवणूक झालेल्या तरुणीने तत्त्काळ सायबर पोलिसात धाव घेत अनोळखी व्यक्तीविरोधात गुन्हा दाखल केला आहे. पुढील तपास पो.नीलीलाधर कानडे हे करीत आहेत.
