जळगाव मिरर । 8 नोव्हेंबर 2022
राज्यात ‘हर हर महादेव’ चित्रपटावरून जो वाद निर्माण झाला आहे. त्यावरुन आज सकाळी राष्ट्रवादी काँग्रेस पार्टीने थिएटरला जावून शो बंद करण्याची मागणी केली होती त्यानंतर हा चित्रपट जळगाव शहरात प्रदर्शित का केला नाही.याची विचारणा करण्यास मनसे पदाधिकारी व कार्यकर्ते सायंकाळी पोहचले.यावेळी शहर पोलीस स्थानकाचे अधिकारी व कर्मचारी घटनास्थळी तात्काळ दाखल झाल्याने वाद मिटला.
जळगाव शहरातील एका थिएटरमध्ये महाराष्ट्र नवनिर्माण सेनेचे महानगराध्यक्ष विनोद शिंदे, उपाध्यक्ष आशिष सपकाळे यांच्यासह कार्यकर्त्यांनी थिएटरमध्ये जात ‘हर हर महादेव’ चित्रपट प्रदर्शित करावा अशी मागणी करीत थिएटरमध्ये मॅनजरसोबत मोठी खडाजंगी झाली. त्यानंतर थिएटर मॅनेजरांनी सांगितले की, उद्या हा शो सुरु करण्यात येणार आहे. यावेळी दिपक राठोड, राजु डोंगरे, राहुल चव्हाण, हरी सुर्यवंशी, प्रशांत बाविस्कर, किरण सपकाळे, दिपक भालेराव यांच्यासह आदी पदाधिकारी मोठ्या संख्येने सहभागी झाले होते. उद्या हा चित्रपट सुरु होणार असल्याची माहिती मनसेचे शहराध्यक्ष विनोद शिंदे व आशिष सपकाळे यांनी भ्रमणध्वनीवर दिली आहे.
मनसे करणारे 100 टिकीत बुक
‘हर हर महादेव’ उद्या सुरु होणार असल्याने एका शोचे 100 तिकीट महाराष्ट्र नवनिर्माण सेना बुक करणार असल्याची माहिती यावेळी शहर उपाध्यक्ष आशिष सपकाळे यांनी बोलतांना सांगितले.
