जळगाव मिरर | ६ जुलै २०२५
जळगावसाठी अभिमानाचा क्षण ठरवत, येथील उद्योजक मोहित अरुणकुमार बाफना यांना भारत सरकारचे वाणिज्य व उद्योगमंत्री श्री पीयूष गोयल यांच्या अधिकृत शिष्टमंडळात सहभागी होण्यासाठी आमंत्रित करण्यात आले. हे शिष्टमंडळ फ्रान्स, इटली, स्वित्झर्लंड आणि स्वीडन येथे झालेल्या इकोनॉमिक फ्री ट्रेड एग्रीमेंट (EFTA) बैठकीसाठी गेले होते.
मोहित बाफना यांची निवड ही भारतातील स्टार्टअप, कृषी आणि नवप्रवर्तन क्षेत्रातील त्यांच्या उल्लेखनीय कार्याची पावती आहे. त्यांनी खालील महत्त्वाच्या उपक्रमांमध्ये नेतृत्वदायी भूमिका बजावली आहे:
Nurture Xcel – नवोदित व्यवसायांना चालना देणारा एक गतिशील स्टार्टअप इन्क्युबेटर
DTown Robotics – ड्रोन आणि रोबोटिक्स तंत्रज्ञानातील आघाडीची कंपनी
Navkar Agro Products – कृषी आणि जागतिक व्यापार क्षेत्रात नाविन्यपूर्ण कार्य करणाऱ्या संस्था
ते JITO JIIF Apex या राष्ट्रीय उद्योगमंचाचे संयुक्त सचिव म्हणूनही कार्यरत असून, नवप्रवर्तन आणि औद्योगिक सहकार्यासाठी विविध पुढाकार घेत आहेत. व्यवस्थापकीय संचालक, चेअरमन आणि संस्थापक अशा अनेक पदांवर कार्य करत असलेल्या बाफना यांचे कार्यक्षेत्र डीप-टेक, कृषी-तंत्रज्ञान, आंतरराष्ट्रीय व्यापार आणि शाश्वतता यांसारख्या महत्वाच्या क्षेत्रांपर्यंत पसरलेले आहे.
जळगावसारख्या छोट्याशा शहरातून उभा राहून, जागतिक व्यापार मंचावर पोहोचण्याचा त्यांचा प्रवास दृष्टी, चिकाटी आणि सामाजिक प्रभाव घडवण्याच्या बांधिलकीचे ज्वलंत उदाहरण ठरते. त्यांच्या बरोबरीने या शिष्टमंडळात भारत फोर्जचे उपाध्यक्ष अमित कल्याणी, KKR इंडिया चे माजी सीईओ संजय नायर, भारती एंटरप्रायजेसचे उपाध्यक्ष राजन भारती मित्तल, तसेच EY चे चेअरपर्सन राजीव मेमानी यांसारखे दिग्गजही सहभागी होते. त्यामुळे ही निवड केवळ मोहित बाफना यांची वैयक्तिक उपलब्धी न राहता, जळगाव व संपूर्ण ग्रामीण महाराष्ट्रासाठी ती अभिमानाची बाब ठरते.
या शिष्टमंडळात मोहित यान्च्याबरोबरच कुणाल ए. नाहर यांचाही समावेश होता. ते राजगिरी जेम्स आणि KIA Gems या नामांकित रत्न व्यवसाय संस्थांचे संचालक असून GJEPC चे सक्रिय सदस्य आहेत. जेम उद्योगात गुणवत्ता, नाविन्य आणि जागतिक वृद्धी साधण्यात त्यांनी मोलाचे योगदान दिले आहे. ते JATF (मुंबई विभाग) चे अध्यक्ष असून, तरुण व्यावसायिकांच्या प्रगतीसाठी अनेक उपक्रम राबवत आहेत. नवोन्मेष आणि सामाजिक प्रभाव यांच्या दृष्टीने स्टार्टअप्समध्ये गुंतवणूक करणारे ते एक प्रभावशाली गुंतवणूकदारही आहेत.
या संधीबद्दल बोलताना मोहित बाफना म्हणाले,
“श्री पीयूष गोयल यांच्यासोबत EFTA बैठकीत सहभागी होणे ही माझासाथि अत्यंत मोठी सन्मानाची गोष्ट होती. जागतिक व्यापार व नवप्रवर्तन यावरील महत्त्वपूर्ण चर्चांमध्ये भाग घेणे हे भारताच्या वाढत्या जागतिक प्रभावाचे प्रत्यक्ष दर्शन घडवणारे होते. जळगावसारख्या छोट्याशा शहरातून आलो असूनही अशी संधी मिळणे हे मला हे अधोरेखित करून सांगते की, स्पष्ट उद्दिष्ट आणि अपार मेहनतीने काहीही शक्य आहे.”
कोण आहेत मोहित अरुणकुमार बाफना !
मोहित अरुणकुमार बाफना हे जळगाव, महाराष्ट्र येथील एक नामांकित उद्योजक असून, त्यांनी भारतातील स्टार्टअप, कृषी व तंत्रज्ञान क्षेत्रात उल्लेखनीय कार्य केले आहे. Nurture Xcel, Nurture Aerospace, Navkar Agro Products या त्यांच्या उपक्रमांमधून ते नवोन्मेष, शाश्वतता व जागतिक व्यापार यावर लक्ष केंद्रित करतात
