जळगाव मिरर | २७ ऑक्टोबर २०२३
भडगाव तालुक्यातील एका गावातून १५ वर्षीय अल्पवयीन मुलीस अनोळखी इसमांनी पळवून नेल्याची घटना घडली आहे. याप्रकरणी भडगाव पोलिसात गुन्हा दाखल करण्यात आला आहे.
मिळालेल्या माहितीनुसार, भडगाव तालुक्यातील आमडदे या गावात १५ वर्षीय मुलगी आपल्या परिवारासह वास्तव्यास आहे. दि.२० रोजी सकाळी ७ ते सायंकाळी ५ वाजेच्या सुमारास तिच्या राहत्या घरातून पळवून नेल्याची घटना घडली आहे. या प्रकरणी अल्पवयीन मुलीच्या पालकांनी लागलीच भडगाव पोलिसात धाव घेत अनोळखी इसमाविरोधात गुन्हा दाखल केला आहे. तर पुढील तपास पोहेकॉ.तात्याबा नागरे हे करीत आहेत.
