जळगाव मिरर | ७ एप्रिल २०२६
स्पर्धा परीक्षांच्या क्षेत्रात विश्वासार्ह नाव म्हणून ओळख निर्माण केलेल्या मोशन जळगाव येथे १० एप्रिलपासून नव्या बॅचची सुरुवात होत आहे. यंदा संस्थेला विक्रमी प्रवेश मिळाल्याने विद्यार्थी आणि पालकांचा वाढता विश्वास अधोरेखित झाला आहे. चालू वर्षात किमान १० विद्यार्थ्यांची आयआयटीमध्ये निवड होईल, असा ठाम विश्वास संस्थेच्या व्यवस्थापनाने व्यक्त केला आहे.
आजच्या तीव्र स्पर्धेच्या युगात करिअर निवडताना योग्य दिशा आणि दर्जेदार मार्गदर्शन अत्यंत महत्त्वाचे ठरते. आयआयटी किंवा सरकारी वैद्यकीय महाविद्यालयांमध्ये प्रवेश मिळवणे हे केवळ प्रतिष्ठेचे नव्हे, तर उज्ज्वल आणि स्थिर करिअरचे दार उघडणारे पाऊल मानले जाते. याउलट, योग्य मार्गदर्शनाच्या अभावामुळे अनेक विद्यार्थी चुकीच्या क्षेत्रात अडकतात आणि त्यांचा वेळ, पैसा तसेच क्षमता वाया जाण्याचा धोका निर्माण होतो.
मोशन जळगावने गेल्या काही वर्षांत सातत्यपूर्ण उत्कृष्ट निकालांची परंपरा निर्माण केली आहे. यंदा शहरातील नामांकित शाळांतील गुणवंत आणि टॉपर विद्यार्थी स्वखुशीने मोशनकडे वळत असल्याने संस्थेची गुणवत्ता आणि विश्वासार्हता अधिक दृढ झाली आहे.
संस्थेच्या यशामागे काही महत्त्वाचे घटक ठळकपणे दिसून येतात. यामध्ये संशोधनाधारित व परीक्षेच्या पॅटर्ननुसार तयार केलेले अभ्यासक्रम, उच्च निवड प्रमाण (Selection Ratio), अनुभवी मेंटर्सद्वारे वैयक्तिक मार्गदर्शन, प्रत्येक विद्यार्थ्याच्या क्षमतेनुसार तयार केलेले कस्टमाइज्ड शिक्षण, तसेच नियमित टेस्ट सिरीज व परफॉर्मन्स अॅनालिसिस यांचा समावेश आहे.
संस्थेच्या व्यवस्थापनाने स्पष्ट केले की, “आज घेतलेला योग्य निर्णय उद्याच्या यशस्वी करिअरचा पाया ठरतो.” त्यामुळे १०वी नंतरचा काळ अत्यंत निर्णायक असून, सुरुवातीपासूनच योग्य मार्ग निवडणे गरजेचे आहे. नव्या बॅचसाठी प्रवेश प्रक्रिया सुरू झाली असून, मर्यादित जागांमुळे इच्छुक विद्यार्थ्यांनी लवकरात लवकर नोंदणी करावी, असे आवाहन करण्यात आले आहे. स्पर्धेच्या युगात आघाडी घेण्यासाठी हीच योग्य संधी असल्याचे शिक्षणतज्ज्ञांचे मत आहे.
