जळगाव मिरर | ५ एप्रिल २०२४
जळगाव जिल्ह्यातील अनेक महामागार्वर छोटे मोठ्या अपघाताची नियमित घटना घडत असतांना गुरुवारी जळगाव शहरातून धरणगावकडे जाणाऱ्या धावत्या कारचा स्टिअरिंग रॉड अचानक तुटल्याने ती झाडाला धडकली. या अपघातात कार चालक ठार तर एक जखमी झाला आहे. ही घटना गुरुवारी सायंकाळी ५ वाजेच्या सुमारास मुसळी गावाजवळ घडली.
मिळालेल्या माहितीनुसार, जळगावहून धरणगावकडे कार (क्रमांक एमएच- ०९, डीएक्स- ८९९१) ने शरद पाटील (वय २५, रा.सारवे) तर सुरेश अशोक अहिरे (वय ४०, रा. सारवे) हे दोघे दुपारी जात होते. मुसळी गावाजवळ गाडीचा स्टिअरिंग रॉड अचानक तुटल्याने चालकाचा गाडीवरील ताबा सुटला. त्यामुळे कार झाडाला धडक देऊन रस्त्याचे बाजूला शेतात घुसली. अपघात झाल्यानंतर नागरिकांनी घटनास्थळी धाव घेऊन मदत कार्य केले. तसेच पाळधी पोलिस चौकीचे कर्मचारी हे देखील माहिती मिळताच घटनास्थळी दाखल झाले. याप्रकरणी रात्री उशिरापर्यंत पोलिस ठाण्यात नोंद करण्याचे काम सुरू होते. या भीषण अपघातात चालक ठार तर एक जखमी झाले आहे.
