जळगाव मिरर | २७ मार्च २०२४
‘रामायण’ या आगामी चित्रपटाची नितेश तिवारी यांची सर्वत्र चर्चा सुरू आहे. या सिनेमात बॉलिवूड अभिनेता रणबीर कपूर प्रभू श्रीरामाची भूमिका साकारताना दिसणार आहे. या भूमिकेसाठी रणबीर कठोर मेहनतही करताना दिसत आहे. ‘रामायण’ सिनेमासाठी श्रद्धाभाव दाखवत रणबीरने दारू पिणं आणि नॉनव्हेज खाणं सोडलं होतं. त्यानंतर प्रभू श्रीरामाच्या भूमिकेसाठी रणबीर खास ट्रेनिंगही घेत होता. आता या भूमिकेसाठी तो आर्चरी शिकणार आहे.
‘रामायण’ सिनेमाचं शूटिंग सुरू करण्यापूर्वी नितेश तिवारी कलाकारांकडून तयारी करून घेत आहेत. याआधी रणबीरला व्हॉइस ओव्हर आणि संवादाचं ट्रेनिंग देण्यात येत होतं. आता रणबीरकडून आर्चरीचीही तयारी करून घेतली जात आहे. प्रभू श्रीराम हे क्षत्रिय होते. ते उत्तम धनुर्धारी होते. त्यामुळे त्या भूमिकेला पुरेपूर न्याय देण्यासाठी रणबीरही धनुर्विद्येचं प्रशिक्षण घेणार आहे. त्याचं ट्रेनिंगही सुरू असल्याची माहिती मिळत आहे.
