जळगाव मिरर | १३ मार्च २०२४
राज्यातील अनेक ठिकाणी अल्पवयीन मुलीसह महिलावर विनयभंग व अत्याचाराच्या घटनेत नेहमीच वाढ होत असतांना दिसत आहे. तर शिक्षक व विध्यार्थ्याचा नात्याला काळिमा फासणारी घटना घडली आहे. एका नववीच्या वर्गात शिक्षण घेणाऱ्या एका अल्पवयीन मुलीचा शाळेतील शिक्षकानेच विनयभंग केल्याची धक्कादायक घटना मुंबईच्या गावदेवी परिसरात घडली आहे. याप्रकरणी पीडित मुलीच्या आईने दिलेल्या तक्रारीवरून पोलिसांनी आरोपी शिक्षकावर गुन्हा दाखल करून त्याला अटक केली आहे.
पोलिसांनी दिलेल्या माहितीनुसार, पीडित अल्पवयीन मुलगी गावदेवी परिसरात असलेल्या एका शाळेत नववीच्या वर्गात शिक्षण घेते. याच शाळेत संशयित आरोपी संजय गवांदे हा शिक्षक म्हणून कार्यरत आहे. वर्गात असताना आरोपी अल्पवयीन मुलीसोबत जवळीक साधून तिला चुकीचा स्पर्ष करीत होता. सुरुवातीला मुलीने याकडे दुर्लक्ष केले. मात्र, दिवसेंदिवस आरोपीचे घाणेरडे कृत्य वाढतच असल्याने मुलीने या प्रकाराचा माहिती आपल्या आईला सांगितली. मुलीचा विनयभंग झाल्याचं कळताच आईने तातडीने गावदेवी पोलिसांत धाव घेऊन तक्रार दाखल केली. तक्रार दाखल होताच पोलिसांनी आरोपी शिक्षक संजय गवांदे याच्या विरोधात पोस्को कायद्याअंतर्गत गुन्हा दाखल केलाय. याप्रकरणी पोलिसांनी नराधम शिक्षकाला अटक देखील केली आहे. या घटनेनं परिसरात संतापाची लाट उसळली आहे.
