जळगाव मिरर । ५ डिसेंबर २०२२
राज्यातील गुन्हेगारी गेल्या काही महिन्यापासून डोकेवर काढत आहे तर औरंगाबाद जिल्ह्यातील गंगापूर तालुक्यामध्ये लज्जास्पद घटना घडली आहे. मुलीला पळवुन नेल्याचा आरोप करत एका वृद्ध महिलेला विवस्त्र करत मारहाण केली आहे. त्याचबरोबर मारहाण करतानाचा व्हिडिओ रेकॉर्ड करून तो सोशल मिडियावर व्हायरल देखील करण्यात आला आहे. या संबधित गंगापूर पोलीस ठाण्यात रविवारी रात्री गुन्हा दाखल करण्यात आला आहे.
काय होती घटना ?
विवेक पिंपळे यांनी माझ्या मुलीला तुझ्या नातूने पळून नेलं म्हणत, वृद्ध महिलेला विवस्त्र करत मारहाण केली. आरोपी एवढ्यावरच थांबले नाहीत तर त्या महिलेला मारहाण करतानाचा व्हिडिओही विवेक पिंपळे यांनी रेकॉर्ड केला. हा व्हिडिओ सोशल मिडियावर व्हायरल केला. त्यामुळे या संपूर्ण घटनेप्रकरणी गंगापूर पोलीस ठाण्यात गुन्हा दाखल करण्यात आला आहे. यावेळी पीडित वृद्ध महिला हात जोडत होती, सोडून देण्याची मागणी करत होती. मात्र आरोपींना तिच्यावर दया दाखवली नाही.
पोलीसाकंडुन मिळालेल्या माहितीनुसार, औरंगाबादच्या गंगापूर तालुक्यातील गंगापूर फाट्यावरील पारधी वस्तीवर ही वृद्ध महिला आपल्या नातवासोबत वास्तव्यास आहे. तर ओझर गावातील विवेक पिंपळे आणि त्यांच्या साथीदारांनी पीडित वृद्ध महिलेच्या घरी जाऊन, तुमच्या नातूने आमची मुलगी पळून नेली असा आरोप करत मारहाण केली आहे. आरोपी एवढ्यावरच थांबले नाहीत, तर त्या वृद्ध महिलेला आपल्यासोबत गंगापूर फाट्यावरून, आपल्या घरी घेऊन गेले.
