जळगाव मिरर | २४ जुलै २०२४
पाचोरा येथील रेल्वे स्थानकावरील बुकींग ऑफीस जवळ एका इसमाचा मृतदेह आढळून आला आहे. इसमाचा मृत्यू कोणत्यातरी दिर्घ आजाराने झाला असुन पाचोरा लोहमार्ग पोलिस दुरक्षेत्रात अकस्मात मृत्यूची नोंद करण्यात आली आहे.
मिळालेल्या माहितीनुसार, पाचोरा रेल्वे स्थानकावरील बुकींग ऑफीस जवळ रविंद्र शिवाजी ढमाले (वय ३८) इसमाचा मृतदेह दि. २३ जुलै रोजी आढळुन आला आहे. घटनेची माहिती मिळताच पाचोरा लोहमार्ग पोलिस दुरक्षेत्राचे पोलिस नाईक विलास जाधव हे घटनास्थळी पोहचुन घटनास्थळाचा पंचनामा करत मृतदेह पाचोरा ग्रामीण रुग्णालयात दाखल करण्यात आला. घटनेप्रकरणी पाचोरा लोहमार्ग पोलिस दुरक्षेत्रात अकस्मात मृत्यूची नोंद करण्यात आली असून घटनेचा पुढील तपास पोलिस नाईक विलास जाधव हे करीत आहे.
