जळगाव मिरर | २५ डिसेंबर २०२३
राज्यातील पुणे शहरातून एक धक्कदायक बातमी समोर आली आहे. शहरातील कात्रज येथील दत्तनगर परिसरात जेवण न दिल्यामुळे महिलेला रागात पत्नीला बेदम मारहाण करून तिची हत्या केल्याची धक्कादायक घटना घडली आहे. पत्नीने जेवण दिले नाही यामुळे पतीने तिच्या छातीवर बुक्क्या मारून तसेच बेदम मारहाण करून तिची हत्या केली. तानाजी कांबळे असे आरोपी पतीचे नाव आहे. याप्रकरणी भारती विद्यापीठ पोलिसांनी गुन्हा दाखल करून आरोपी पतीला अटक केली आहे. मात्र या घटनेमुळे पुण्यात खळबळ उडाली आहे.
मिळालेल्या माहितीनुसार, पुण्यातील कात्रज भागात हा सगळा विचित्र प्रकार घडला आहे. जेवण न दिल्याच्या रागातून पतीने पत्नीच्या छातीत बुक्क्या मारून तिची हत्या केली आहे. हा सगळा प्रकार घडला तेव्हा आरोपी पतीने मद्यपान केले होते. क्षुल्लक कारणावरुन राग अनावर झाल्याने माथेफिरूने पत्नीची हत्या केली आहे. या घटनेमुळे कात्रज परिसरात खळबळ उडाली आहे.
हा सगळा प्रकार घडला तेव्हा आरोपी पतीने मद्यपान केले होते. क्षुल्लक कारणावरुन राग अनावर झाल्याने आरोपीने पत्नीची हत्या केली आहे. माधुरी कांबळे असे खून झालेल्या महिलेचे नाव आहे. याप्रकरणी माधुरीचा मुलगा पियुष कांबळे याने पोलिसात तक्रार दिली होती. त्यानंतर पोलिसांकडून आरोपी पतीला अटक करण्यात आली. याप्रकरणी पोलिसांनी दिलेल्या अधिक माहिती नुसार, आरोपी पती व्यावसायाने पेंटर आहे. तो रोजंदारीवर काम करत होता. कांबळे दररोज घरी येताना मद्यपान करून येत होता . शुक्रवारी रात्री 10 वाजताच्या सुमारास तानाजी नेहमीप्रमाणे मद्यपान करून घरी आला होता.
यावेळी त्याने पत्नीला जेवायला वाढण्यास सांगितले. यावर तिने त्याला जेवण न बनवल्याचे उत्तर दिले. जेवण न दिल्याच्या रागातून तानाजीने पत्नीला शिवीगाळ करत मारहाण करायला सुरुवात केली. यादरम्यान त्याने पत्नीच्या छातीवर जोर जोरात बुक्क्या मारल्या या मारहणीनंतर ती खाली कोसळली.
मारहाणीत महिला गंभीर जखमी झाली आणि यात तिचा मृत्यू झाला. त्यानंतर मुलाने आईला वाचवण्याचा प्रयत्न केला मात्र, आरोपीने मुलाला ढकलुन दिले. काही वेळाने मुलाने आईला दवाखान्यात नेले. मात्र, डॉक्टरांनी महिलेला मृत घोषित केले. या घटनेची माहिती मिळताच पोलिसांनी घटनास्थळी आले. त्यांनी पंचनामा करून गुन्हा दाखल केला असून आरोपी पतीला अटक करण्यात आली आहे.
