जळगाव मिरर / ९ फेब्रुवारी २०२३ ।
जळगाव शहरातील नवीन बस स्थानकावरून एका अंगणवाडी सेविका महिलेची सोन साखळी अनोळखी चोरट्यांनी लंपास केल्याची घटना घडली आहे. या प्रकरणी जिल्हा पेठ पोलिसात गुन्हा दाखल करण्यात आला आहे.
सविस्तर वृत्त असे कि, पाचोरा तालुक्यातील राणीचे बांबरुड येथील रहिवासी असलेल्या सुनिता राजेद्र सोनार (वय ४९) या दि ८ रोजी दुपारी ४ वाजेच्या सुमारास जळगाव शहरातील नवीन बस स्थानकावर आले असता त्यांच्या गळ्यातील २३ ग्राम वजनाची सुमारे ५० हजार रुपये किमतीची सोन साखळी अनोळखी चोरट्यांनी लंपास केल्याची घटना घडल्याने जिल्हा पेठ पोलिसात त्यांनी धाव घेत गुन्हा दाखल केला आहे. या प्रकरणी पुढील तपास पोहेकॉ महेद्र पाटील हे करीत आहेत.
