जळगाव मिरर / २२ जानेवारी २०२३
जळगावातील गणपती नगरातून आज दि. २२ रोजी सायंकाळी मोठ्या जल्लोषात संतगुरू साई सतरामदास साहेबजी यांच्या ११३ व्या पुण्यतिनीनिमित्त वर्सी महोत्सवाचा कार्यक्रम उत्साहात सुरु झाला. यावेळी सिंधी समाज बांधव मोठ्या संख्येने शोभायात्रेत सहभागी झाले होते.
सविस्तर वृत्त असे की, शहरातील गणपती नगरात असलेल्या सिंधी समाज बांधवाच्यावतीने सतगुरु साई सतरामदास साहेबजी यांच्या ११३व्या पुण्यतिथीनिमित्त तीन दिवसीय वर्सी महोत्सवाचे आयोजन करण्यात आले आहे. २२ जानेवारी रविवारी रोजी दुपारी ४ वाजेच्या सुमारास समाज बांधवांनी जल्लोषात भव्य शोभायात्रा काढली. यावेळी सर्व भाविक भक्त आणि समाज बांधव मोठ्या संख्येने सहभागी झाले होते. सायंकाळी ६ वाजता भव्ययात्रा संपल्यानंतर रात्री ९ वाजता विविध कार्यक्रमाचं आयोजन करण्यात आले आहे. दरम्यान हा वर्सी महोत्सव २२ ते २४ जानेवारी असे तीन दिवस चालणार असून तिनही दिवशी विविध कार्यक्रमांचे आयोजन करण्यात आले आहे. यात दररोज रात्री ९ ते ११ वाजेपर्यंत भाविकांसाठी आम भंडाराचे देखील आयोजन करण्यात आले आहे. अशी माहिती सिंधी समाज बांधवांच्य वतीने करण्यात आले आहे.
