जळगाव मिरर । १९ ऑक्टोबर २०२२
पंतप्रधान नरेंद्र मोदी यांचा सोनगड (गुजरात) दौऱ्यासाठी नवी दिल्लीहून विशेष रेल्वेने रविवारी सायंकाळी आलेल्या वाहनांचा ताफा भुसावळात मुक्कामी थांबला. तीन गाड्या या मंगळवारी दाखल झाल्या. वाहनांच्या या ताफ्याला भुसावळ ऑर्डनन्स फॅक्टरी येथून इंधनसाठा पुरवण्यात आला. त्यानंतर बंदोबस्तात हा ताफा गुजरातकडे रवाना झाला.
रविवारी सायंकाळी दाखल झालेल्या सहा गाड्या वरणगाव आयुध निर्माणी येथे गेल्या, तर सोमवारी सकाळी गुजरातकडे रवाना झाल्या. यादरम्यान भुसावळातील वाहतूक थांबविण्यात आली होती. या गाड्यांच्या बंदोबस्तासाठी जळगावातून पोलीस दाखल झाले होते. पोलीस बंदोबस्तातच या गाड्या गुजरातकडे रवाना झाल्या. मंगळवारी भुसावळात दाखल झालेल्या तीन गाड्या ऑर्डनन्स फॅक्टरीजवळ थांबवून ठेवण्यात आल्या होत्या. या गाड्या असलेल्या परिसरात कडेकोट पोलीस बंदोबस्त तैनात ठेवण्यात आला आहे.
असा ताफा दुसऱ्यांदा भुसावळात
पंतप्रधान नरेंद्र मोदी यांच्या सुरक्षा तापयातील गाड्या भुसावळात येण्याची ही दुसरी वेळ आहे. यापूर्वी मनमोहन सिंग यांचे नातेवाईक हे अजिंठा लेणी पाहण्यासाठी आले असता, या गाड्या भुसावळात आल्या होत्या.
