जळगाव मिरर | ३० मार्च २०२४
१ एप्रिल २०२४ रोजी वार्षिक अकाऊंट क्लोजिंग डे असल्याने या दिवशी रिझर्व्ह बँकेच्या कोणत्याही शाखेत दोन हजार रुपयांच्या नोटा बदलून दिल्या जाणार नाहीत तसेच जमाही केल्या जाणार नाहीत, असे आरबीआयने स्पष्ट केले आहे.
आरबीआयच्या सर्व १९ कार्यालयांमध्ये ही सुविधा बंद राहणार आहे. परंतु २ एप्रिल रोजी ही सेवा पुन्हा सुरु केली जाणार आहे, असेही बँकेने स्पष्ट केले आहे. आरबीआयने १९ मे २०२३ रोजी दोन हजारांची नोट चलनातून बंद केली होती. १ मार्च २०२४ रोजी आरबीआयने माहिती दिली की, चलनात असलेल्या दोन हजारांच्या एकूण नोटांपैकी ९७.६२ टक्के नोटा बँकेत जमा करण्यात आल्या आहेत.