जळगाव मिरर | १३ मार्च २०२५
देशात आज होळी व उद्या धुलीवंदन सण मोठ्या उत्साहात साजरा होणार आहे तर उत्तर प्रदेशात होळी आणि शुक्रवारच्या नमाजबाबत प्रशासन सतर्क आहे. होळी आणि शुक्रवार यावर्षी एकत्र येत आहेत, अशा परिस्थितीत कायदा आणि सुव्यवस्था राखण्यासाठी प्रशासनाने संवेदनशील भागात मोठ्या प्रमाणात पोलिस बंदोबस्त तैनात केला आहे. दरम्यान, योगी सरकारमधील मंत्री आणि निषाद पक्षाचे अध्यक्ष संजय निषाद यांनी एक मोठे विधान केले आहे. त्यांनी, “ज्यांना होळीच्या रंगांची अडचण आहे त्यांनी घर नाही तर देश सोडून जावं” असे म्हटले आहे.
विरोधकांवर निशाणा साधताना संजय निषाद यांनी हे वक्तव्य केले आहे. ते पुढे म्हणाले, “काही राजकारणी असे आहेत जे आपल्याला मिठी मारू देऊ इच्छित नाहीत. काही लोकांचे मन विषारी करून दिशाभूल केले जात आहे आणि ते देखील या देशाचे नागरिक आहेत. जे रंग टाळतात त्यांनी घरी जाण्याऐवजी देश सोडून जावे.”असे त्यांनी यावेळी म्हटले.
संजय निषाद यांनी पुढे म्हटले,” त्यांचा पक्ष नेहमीच लोकांना एकत्र आणण्याचा प्रयत्न करतो आणि समाजाच्या हितासाठी काम करतो. अस्थिरता पसरवण्याच्या उद्देशाने केलेली कोणतीही रणनीती हाणून पाडली जाईल, असे ते म्हणाले. संजय निषाद म्हणाले, “जुमा देणारे लोक एकमेकांना मिठी मारतात आणि होळी साजरी करणारे देखील एकमेकांना मिठी मारतात. हा सण मिठी मारण्याचा आणि आनंद वाटून घेण्याचा आहे. आज एका विशिष्ट वर्गात किती रंग वापरले जातात? तुम्ही घर किती रंगांनी रंगवता? हेच नेते वेगळ्या रंगाचे विष मिसळून काम करू इच्छितात.”
संजय निषाद यांनीही समाजवादी पक्षाचे प्रमुख अखिलेश यादव यांना होळीच्या शुभेच्छा दिल्या. त्यांनी सांगितले की आम्ही अखिलेश यादव यांना मिठाई पाठवली आहे. सत्ताधारी आणि विरोधी पक्षांकडून सर्वांना मिठाई पाठवण्यात आली आहे. ते म्हणाले की, विरोधी पक्षालाही समृद्धी हवी आहे आणि तो आवाज उठवतो. होळी हा आनंदाचा सण आहे.
बुधवारी सकाळीच, संभलमधील मुस्लिम पक्षाने मिरवणुकीच्या मार्गात येणाऱ्या सुमारे १० मशिदींना ताडपत्रीने झाकण्याचा निर्णय घेतला. त्याचबरोबर कायदा आणि सुव्यवस्थेबाबत पोलिसांनी अनेक महत्त्वाचे निर्णय घेतले आहेत. संभलचे एसपी केके बिश्नोई म्हणाले की, धार्मिक स्थळे परस्पर संमतीने संरक्षित केली जातील. ते म्हणाले, “हिंदू समुदायाने दुपारी २.३० वाजेपर्यंत होळी खेळावी. यानंतर मुस्लिम पक्ष नमाज पठण करेल. होळीच्या दिवशी काढल्या जाणाऱ्या चौपैय्या मिरवणुकीच्या पार्श्वभूमीवर हा निर्णय घेण्यात आला आहे. मिरवणुकीच्या मार्गावर येणाऱ्या सर्व मशिदी कव्हर केल्या जातील.
