जळगाव मिरर | ६ मे २०२५
दुचाकीने कंपनीकडे जात असलेल्या ईरफान मुस्ताक अन्सारी (वय ६१, रा. फातेमानगर) यांना समोरुन येणाऱ्या कारने जोरदार धडक दिली. यामध्ये ईरफान अन्सारी यांच्यासह फरजाना इरफान अन्सारी हे दोघे गंभीर जखमी झाले. ही घटना दि. ३ रोजी संभाजी नगर ते सुप्रिम कॉलनीदरम्यान घडली. याप्रकरणी कारचालकाविरुद्ध गुन्हा दाखल करण्यात आला आहे.
सविस्तर वृत्त असे कि, शहरातील फातेमा नगरात ईरफान मुस्ताक अन्सारी हे वास्तव्यास आहे. दि. ३ रोजी सकाळी ११ वाजेच्या सुमारास ते पत्नी फरजाना इरफान अन्सारी यांच्यासोबत (एमएच १९, ईडी ९०२२) क्रमांकाच्या दुचाकीने संभाजीनगर रोडवरुन सुप्रिम कॉलनीकडे जात होते. त्यावेळी समोरुन येत असलेल्या (डबल्यूबी ३४, एजे ३५६१) क्रमांकाच्या कारने जोरदार धडक दिली. या अपघातात ईरफान अन्सारी व फरजाना अन्सारी हे दोघे गंभीर जखमी झाले. त्यानंतर कारचालक तेथून पसार झाला. याप्रकरणी ईरफान अन्सारी यांनी दिलेल्या तक्रारीवरुन कारचालकाविरुद्ध गुन्हा दाखल करण्यात आला आहे. तपास पोहेकॉ पंकज पाटील हे करीत आहे.
