जळगाव मिरर | ११ मे २०२५
दुचाकीची समोरासमोर धडक होवून झालेल्या अपघातात दोघ दुचाकींवरील चालक राहुल रामदास सुरसे (वय ३०, रा. चिखली, ता. बुलढाणा) व दुसऱ्या दुचाकीवरील सुनिल स-रेश पवार (वय ३५, रा. वराड, ता. जळगाव) हे दोघ जागीच ठार झाले. तर दोन चिमुकले गंभीर जखमी झाले. ही घटना शनिवारी दुपारी जामनेर तालुक्यातील टाकळी गावाजवळ घडली.
सविस्तर वृत्त असे कि, जळगाव तालुक्यातील वराड येथील सुनिल पवार हा कुटुंबासह शनिवारी १० मे रोजी बोदवड तालुक्यातील एका गावात नातेवाईकांकडे लग्नासाठी गेला होता. लग्नकार्य आटोपल्यानंतर दुपारी चार वाजता सुनिल पवार याने मुलगा कार्तीक सुनिल पवार (वय ६) आणि पिया सुनिल पवार (वय ८) या दोघा मुलांना सोबत घेवून बोदवड-जामनेर रस्त्याने वराड गावाकडे दुचाकीने निघाला होता. रस्त्यावरील टाकळी गावाजवळ समोरून येणाऱ्या दुचाकीने त्यांच्या दुचाकीला जोरदार धडक दिली. या धडकेत सुनिल पवार आणि धडक देणाऱ्या दुचाकीवरील राहूल सुरसे हे दोघ जागीच ठार झाले.
दुचाकींच्या समोरासमोर झालेल्या धडकेत दोघ दुचाकीस्वार जागीच ठार झाले. यावेळी अपघातात ठार झालेला सुनिल याच्यासोबत त्याची दोन्ही मुले होती, ते देखील गंभीर जखमी झाले. तेथून जाणाऱ्या वाहनचालकांच्या मदतीने दोन्ही मृतदेह आणि जखमी मुलांना तात्काळ शासकीय वैद्यकीय महाविद्यालयात दाखल करण्यात आले असून याठिकाणी उपचार सुरु आहेत. अपघाताची माहिती मिळताच सुनिल पवार यांच्या कुटुंबियांनी रुग्णालयात धाव घेतली. यावेळी त्यांनी सुनिल यांचा मृतदेह बघताच आक्र पेश केला. याप्रकरणी पोलीस ठाण्यात अकस्मात मृत्यूची नोंद करण्यात आली असून प्राथमिक तपास सहाय्यक फौजदार संजय महाजन आणि पोलीस कॉन्स्टेबल योगेश माळी हे करीत आहे.
