जळगाव मिरर | २९ फेब्रुवारी २०२४
सहा वर्षांपासून गुन्ह्यातील फरार संशयित सुरेश राजाराम बारेला (वय २२, रा. देवली-दुगाणी, ता. वरला जि. बडवाणी मध्यप्रदेश, ह. मु. सुंदरगढी, ता. चोपडा) याला सापळा रचुन स्थानिक गुन्हे शाखेच्या पथकाने ताब्यात घेतले. त्याला पोलीसी खाक्या दाखवताच त्याने चोरलेल्या पाच दुचाकींसह दोन घरफोडी केल्याची कबुली दिली. त्याचयाकडून तीन दुचाकींसह दोन घरफोडीतील मुद्देमाल जप्त करण्यात आला आहे.
मिळालेल्या माहितीनुसार, चोपडा शहर पोलीस ठाण्यात २०१७ मध्ये दाखल असलेल्या चोरीच्या गुन्ह्यातील संशयित सुरेश बारेला हा गेल्या ६ वर्षांपासून फरार होता. एलसीबीच्या पथकाकडून त्याचा शोध सुरु असतांना तो चोपडा शहरातील महात्मा गांधी रोड परिसरात दुचाकीवर फिरतांना मिळून आला. त्याच्याजवळ असलेल्या दुचाकीची पोलिसांनी माहिती काढली असता, ती चोरीची असल्याचे समजताच पोलिसांनी त्याची कसून चौकशी केली. यावेळी त्याने जळगाव तालुका, धरणगाव, अमळनेर, चोपडा शहर आणि शिरपूर पोलीस ठाण्याच्या हद्दीतून दुचाकी चोरी केली असून दोन ठिकाणी घरफोडी केल्याची कबुली दिली. त्याच्याविरुद्ध सात वेगवेगळे गुन्हे दाखल आहेत.
सुरेश बारेला याने तालुका पोलीस ठाण्यातील ३ गुन्हे, धरणगाव पोलीस स्टेशन, अमळनेर पोलीस स्टेशन, चोपडा शहर पोलीस स्टेशन आणि धुळे जिल्ह्यातील शिरपूर पोलीस स्टेशन असे प्रत्येकी १ अशी एकूण वेगवेगळे ७ गुन्ह्यांची कबुली देवून चोरीतील मुद्देमाल आणिण ३ चोरीच्या दुचाकी असा एकुण एकूण १ लाख ४८ हजार ३७०- रुपयांचा हस्तगत करण्यात आला आहे. त्याला पुढील कारवाईसाठी तालुका पोलीस ठाण्याच्या ताब्यात देण्यात आले आहे.
यांनी केली कारवाई
ही कारवाई जिल्हा पोलीस अधीक्षक डॉ. महेश्वर रेड्डी, अप्पर पोलीस अधीक्षक अशोक नखाते, स्थानिक गुन्हे शाखेचे वरिष्ट पोलीस निरीक्षक किसन नजन पाटील यांच्या मार्गदर्शनाखाली पोहेकॉ कमलाकर बागुल, संदीप पाटील, प्रवीण मांडोळे, गोरख बागुल, अनिल देशमुख, संदीप साळवे, पोना ईश्वर पाटील, चालक पोलीस कॉन्स्टेबल महेश सोमवंशी, लोकेश माळी यांच्या पथकाने कारवाई केली आहे.
