जळगाव मिरर | २२ नोव्हेबर २०२३
जळगाव शहरातील शिवाजी नगरात परिसरात दि.मंगळवारी २१ नोव्हेंबर रोजी सकाळी साडेअकरा वाजेच्या सुमारास ३० वर्षीय तरुणाला चक्कर येवून अकस्मात मृत्यू झाल्याची घटना घडली आहे. याप्रकरणी जळगाव शहर पोलीस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील शिवाजी नगर परिसरातील रहिवासी असलेले हर्षल रमेश येवले (वय ३०) हे आपल्या कुटुंबासह रहिवासास असून ते मजूरीचे काम करून आपला उदरनिर्वाह करतो. मंगळवारी २१ नोव्हेंबर रोजी सकाळी साडेअकरा वाजेच्या सुमारास शिवाजी नगरातून पायी जात असतांना त्याला अचानक चक्कर येवून तो बेशुध्द पडला. त्याला तातडीने खासगी वाहनाने जिल्हा शासकीय वैद्यकीय महाविद्यालयात उपचारार्थ दाखल करण्यात आले असता वैद्यकीय अधिकारी डॉ. नम्रता अच्छा यांनी मयत घोषीत केले. याबाबत जळगाव शहर पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ शशिकांत पाटील हे करीत आहे.
