जळगाव मिरर | २१ जून २०२४
शेतात बकऱ्या चारणाऱ्या जितेंद्र धनराज सोनवणे (वय २७, रा. सारोळा खु. ता. पाचोरा) या तरुणाचा शेतातील उघड्या डीपीला स्पर्श झाला. यावेळी त्या तरुणाला विजेचा जोरदार धक्का लागल्याने त्याचा जागीच मृत्यू झाला. ही दुर्देवी घटना गुरुवारी सायंकाळच्या सुमारास उघडकीस आली.
सविस्तर वृत्त असे कि, पाचोरा तालुक्यातील सारोळा खु. येथील रहिवासी जितेंद्र धनराज सोनवणे हा तरुण मोल मजुरी करुन कुटुंबाचा उदनिर्वाह करीत होता. गुरुवार दि. २० जुन रोजी सायंकाळी ५ वाजेच्या सुमारास सारोळा येथील शेत शिवारात जितेंद्र सोनवणे हे बकऱ्या चारण्यासाठी गेले होते. यावेळी शेतातील उघड्या स्थितीत असलेल्या विजेच्या डिपीला सोनवणे याचा स्पर्श झाल्याने त्यांना जोरदार विजेचा जोरदार धक्का लागला. यावेळी त्यांना तात्काळ पाचोरा ग्रामीण रुग्णालयात दाखल केले असता वैद्यकीय अधिकारी यांनी जितेंद्र सोनवणे यांना मृत घोषित केले. याप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
