जामनेर : प्रतिनिधी
शहरातील मुख्य रस्त्यालगत असलेले टपरी , हातगाडी अतिक्रमण हटाव मोहीम आज न.पा प्रशासण यांनी पोलिस प्रशासन यांची मदतीने पार पाडली .
सकाळच्या सुमारास स्वताः मुख्याधिकारी चंद्रकांत भोसले , पो.नि किरण शिंदे हे रस्त्यावर थांबुन रस्त्यालगत असणारे अतिक्रमण धारक यांचे अतिक्रमण काढण्यासाठी आपले टीम सह सज्ज होते .
गांधी चौका पासुन ते जुना बोदवड रस्त्या पर्यंत ज्यांनी ज्यांनी पक्के अतिक्रमण केले त्यांची जेसीबी च्या सहाय्याने तोडण्यात आली . जामनेर _ जळगाव रोड , जामनेर _ पाचोरा रोड , जामनेर _ भुसावळ रोड या मुख्य रस्त्यावर ज्यांनी हातगाडी टपरी लावून अतिक्रमण करून जागा बळकावल्या होत्या त्या मोकळ्या करण्यात आल्या . त्यामुळे शहरातील वाहतूकीची होणारी सततची कोंडी , समस्या मिटणार आहे . कोणताच अनुचित प्रकार न घडता शांततेत मोहीम राबवन्यात येत होती . पुन्हा अतिक्रमण होवू नये याची काळजी प्रशासणाने घ्यावी अशी अपेक्षा व्यक्त केली जात आहे .
