‘त्या’ तरुणाच्या खूनातील तीन संशयितांना अटक

जळगाव : प्रतिनिधी
१८ मार्च रोजी सिव्हील हाँस्पीटल्या गेटसमोर सूरज ओतारी व अरुण गोसावी या दोघांवर जमावाने चॉपरने हल्ला केला. सूरज ओतारी याच्यावर मुंबईत उपचार सुरू असताना त्याचा ३१ मार्च रोजी मृत्यू झाला.
या गुन्ह्यात शनिवारी तीन संशयितांना पोलिसांनी अटक केली आहे. जिल्हापेठ पोलिस ठाण्याचे सहायक पोलिस निरीक्षक किशाेर पवार यांच्या पथकाने भूषण विजय माळी (वय २२, रा. तुकारामवाडी) व विक्की उर्फ हेमंत चौधरी (वय २०, रा. पिंप्राळा) या दोघांना कसारा (जि. नाशिक) येथून अटक केली. तर एलसीबीच्या पथकाने अक्षय उर्फ गंप्या नारायण राठोड (वय २० रा. शंकर अप्पा नगर) याला अटक केली.