जळगाव : प्रतिनिधी
जळगाव – भुसावळ असलेल्या डॉक्टर उल्हास पाटील कॉलेज समोरील उड्डाण पुलावर रिक्षाची व रुग्णवाहिकेची समोरासमोर धडक झाली असून यात रिक्षा चक्का चूर झाला या अपघातात तीन जण जखमी जखमी असून एकाची प्रकृती गंभीर असल्याची खात्रीलायक वृत्त आहे.
मिळालेली माहिती अशी की, सायंकाळी ४ वाजेच्या सुमारास MH १४ CL ०७५५ या क्रमांकाची रुग्णवाहिका आणि MH १९ CW ०६३८ क्रमांकाच्या ऍपे रिक्षाची समोरा समोरर धडक झाली. ही धडक इतकी भयंकर होती की रूग्णवाहिका आणि रिक्षा दोन्ही उलटल्या. तर रिक्षाचा यात अक्षरश: चक्काचूर झाला आहे. या अपघातात तीन जण जखमी झाले असून यातील एकाची प्रकृती गंभीर असल्याचे समजते. अपघाताची माहिती मिळताच डॉ. उल्हास पाटील मेडिकल कॉलेजमधील सहकाऱ्यांनी धाव घेऊन जखमींवर उपचार केले. या अपघातामुळे महामार्गावरील वाहतुकीच्या सुरक्षेचा मुद्दा पुन्हा एकदा ऐरणीवर आला आहे.
