जळगाव : प्रतिनिधी
जळगाव जिल्हा ॲथलेटिक्स असोसिएशनतर्फे मुस्लिम शिक्षक व क्रीडाशिक्षक बांधवांसाठी रोजा इफ्तार कार्यक्रमाचे आयोजन शहरातील अँग्लो उर्दू हायस्कुल व ज्युनियर कॉलेज येथे करण्यात आले होते याप्रसंगी प्रमुख अतिथी म्हणून अँग्लो उर्दू संस्थेचे अध्यक्ष श्री एजाज मलिक, महाराष्ट्र ॲथलेटिक्स असोसिएशनचे उपाध्यक्ष शिवछत्रपती पुरस्कार्थी डॉ.नारायण खडके, जिल्हा क्रीडा अधिकारी श्री मिलींद दीक्षित, जळगांव जिल्हा ॲथलेटिक्स असोसिएशनचे कार्याध्यक्ष डॉ.पी.आर.चौधरी, उपाध्यक्ष डॉ.विजय पाटील, आर.एन.लाठी स्कुल व ज्युनियर कॉलेज भोकरचे प्राचार्य श्री उत्तम चिंचाळे, बी.यु.एन.रायसोनी विद्यालयाचे मुख्याध्यापक श्री.चंद्रशेखर पाटील, साई सेवा परिवाराचे कार्याध्यक्ष ॲड.बी.एम.चौधरी, सल्लागार श्री.दामुसेठ चौधरी, अँग्लो उर्दू हायस्कुल व ज्युनियर कॉलेजचे प्राचार्य डॉ. बाबू शेख,राष्ट्रीय खेळाडू श्री बन्सी माळी यांची उपस्थिती होती. रोजा करण्यामागची भूमिका,उद्देश रोजा काळात घ्यावयाची काळजी व सामाजिक दायित्व याविषयावर संस्थेचे अध्यक्ष श्री एजाज मलिक, श्री मिलींद दीक्षित व प्रा.श्री.सोहेल आमिर यांनी सविस्तर माहिती दिली कार्यक्रमाच्या आयोजन विषयाची माहिती प्रास्ताविकात जळगाव जिल्हा ॲथलेटिक्स असोसिएशनचे सचिव राजेश जाधव यांनी दिली.
कार्यक्रमाचे सूत्रसंचालन जळगाव जिल्हा ॲथलेटिक्स असोसिएशनचे उपाध्यक्ष प्रा.हाजी ईकबाल मिर्झा यांनी तर आभार प्रदर्शन श्री आसिफ मिर्झा यांनी केले कार्यक्रमाच्या यशस्वी आयोजनासाठी जळगांव जिल्हा ॲथलेटिक्स असोसिएशनचे पदाधिकारी ईकरा कॉलेजचे क्रीडा संचालक प्रा.डॉ.चांदखान पठाण, मिल्लत स्कुल व ज्युनियर कॉलेजचे पर्यवेक्षक प्रा.हाजी ताज्युद्दीन शेख, अँग्लो उर्दू स्कुल व ज्युनियर कॉलेजचे क्रीडाशिक्षक प्रा.वसीम मिर्झा, साजिद शेख यांचे मोलाचे सहकार्य लाभले कार्यक्रमास जळगाव जिल्हा ॲथलेटिक्स असोसिएशनचे पदाधिकारी, सदस्य व रोजेदार मुस्लिम बांधव यांची उपस्थिती होते.
