वाशिम : वृत्तसंस्था
आमच्याकडे जूनमध्ये वादळ आलं की झाडं उन्मळून पडतात. त्याचप्रमाणे हे महाविकास आघाडी सरकारही पडणार असल्याचा गौप्यस्फोट केंद्रीय मंत्री नारायण राणे यांनी वाशीम येथे केला आहे
ते म्हणाले कि, मी महसूलमंत्री होतो तेव्हा 82 एकरचा सरकारी भूखंड फक्त 12 कोटी रुपयांमध्ये विकला असा आरोप माझ्यावर करण्यात आला. पण, माझं सरकारला आव्हान आहे की फक्त आरोप करू नका, कोणतीही चौकशी लावा, असं आव्हान केंद्रीय मंत्री नारायण राणे यांनी सरकारला दिलंय. मी कोणतीही चूक केली नाहीय. त्यामुळे माझ्यावर Acb ची चौकशी लावा नाही तर अन्य कोणतीही चौकशी लावा. त्या चौकशीला सामोरं जायला तयार आहे, असं ते म्हणालेत.
महाविकास आघाडी हे एक फांद्यांचं झाड आहे. आमच्याकडे कोकणात जूनमध्ये वादळ येतं. वादळ आलं की झाडं उन्मळून पडतात. झाडाच्या एका फांदीवर मुख्यमंत्री आहेत. ते मुख्य खोड नाहीत. त्यामुळं हे सरकार जून महिन्याच्या अगोदरच कोसळणार असं गौप्यस्फोट नारायण राणे यांनी वर्तवलं.
