महेश रमेश (आबा) पाटील यांचा संघर्षमय प्रवास म्हणजे जिद्द, मेहनत, संयम आणि स्वप्नपूर्तीची प्रेरणादायी कहाणी आहे. हा प्रवास सहज मिळालेल्या यशाचा नसून, तो पराभव पचवून पुन्हा उभे राहणाऱ्या आणि कधीही हार न मानणाऱ्या नेतृत्वाचा आहे.
मागील महानगरपालिका नगरसेवक निवडणुकीत महेश रमेश (आबा) पाटील यांना केवळ १३ मतांच्या फरकाने पराभव स्वीकारावा लागला. इतक्या कमी फरकाने आलेला निकाल मनाला वेदना देणारा होता. प्रचंड मेहनत, रात्रंदिवस केलेला प्रचार, जनतेसाठी मांडलेली विकासाची दृष्टी—सर्व काही असूनही निकाल अनुकूल लागला नाही. पण हा पराभव त्यांना थांबवणारा ठरला नाही; उलट त्याने त्यांच्या जिद्दीला अधिक धार दिली.
यानंतर सुरू झाला त्याचा पुढील प्रवास..हा काळ म्हणजे संघर्ष, प्रतीक्षा, उपेक्षा आणि संयम यांची कसोटी होती.त्यांनी समाजसेवा थांबवली नाही. लोकांच्या अडचणींमध्ये उभे राहणे, त्यांच्या प्रश्नांसाठी आवाज उठवणे आणि जनतेशी नाते घट्ट ठेवणे—हे त्यांनी अखंडपणे सुरू ठेवले. नगरसेवक होण्याचे स्वप्न त्यांनी या १४ वर्षांत कधीही सोडले नाही.
या वर्षीच्या जळगांव शहर महानगरपालिका निवडणुकीत त्यांच्या संघर्षाला नवे वळण मिळाले. भारतीय जनता पक्षाकडून त्यांच्या मातोश्री सौ. आशा रमेश(आबा) पाटील यांना उमेदवारी देण्यात आली. महेश रमेश (आबा) पाटील यांच्या अथक मेहनतीचा, संघटनकौशल्याचा आणि जनतेशी असलेल्या विश्वासाचा हा परिणाम होता. जनतेनेही या कुटुंबाच्या संघर्षाला आणि प्रामाणिकपणाला भरभरून प्रतिसाद दिला आणि ४०३८ मतांच्या दणदणीत विजयाने सौ. आशा रमेश (आबा) पाटील नगरसेविका म्हणून निवडून आल्या. हा विजय केवळ एका व्यक्तीचा नव्हता, तर १४ वर्षांच्या संघर्षाचे, स्वप्नपूर्तीचे आणि संयमाच्या विजयाचे प्रतीक होता.
हा संपूर्ण प्रवास अधिक प्रेरणादायी ठरतो कारण रमेश (आबा) आनंदा पाटील यांनी शून्यातून, अतिशय मेहनतीने हे सर्व उभे केले आहे. कोणताही राजकीय वारसा नसताना, फक्त कष्ट, प्रामाणिकपणा आणि स्वतःवरच्या विश्वासाच्या जोरावर त्यांनी आपले स्थान निर्माण केले. व्यवसायाच्या क्षेत्रातही त्यांनी अथक मेहनत घेतली असून आज ते जळगांव शहरातील सुप्रसिद्ध अमर रगडा या संस्थेचे संचालक, म्हणून यशस्वीपणे कार्यरत आहेत. व्यवसाय असो वा समाजकारण—प्रत्येक ठिकाणी मेहनत आणि विश्वास हीच त्यांची ओळख आहे.
हा विजय सांगतो की— पराभव हा शेवट नसतो, वनवास कितीही दीर्घ असला तरी स्वप्न साकार होण्याचा क्षण येतो, आणि जिद्द व मेहनत असतील तर यश निश्चित असते. महेश रमेश (आबा) पाटील यांचा हा प्रवास आज अनेकांसाठी प्रेरणादायी आहे— संघर्षातूनच नेतृत्व घडते आणि शून्यातूनही इतिहास निर्माण करता येतो, याचा हा जिवंत पुरावा आहे.
पाटील परिवाराच्या अथक मेहनतीला, जिद्दीला आणि मिळवलेल्या दैदीप्यमान यशाला मनःपूर्वक खूप खूप शुभेच्छा.
