पाटणा : वृत्तसंस्था
नवरा असो वा बॉयफ्रेंड तो दुसऱ्या महिलेसोबत दिसला की त्यांचा संताप होतो. अनेकांना आपल्या जोडीदाराने दुसऱ्या कुणासोबत जवळीक वाढवलेली आवडत नाही. विशेषतः महिला याबाबत खूपच इमोशनल असतात. मग त्या दुसऱ्या महिलेलाही सोडत नाहीत. आपल्या पार्टनरच्या आयुष्यात असलेल्या त्या दुसऱ्या महिलेवर सूड उगवणारी बायको किंवा गर्लफ्रेंड तुम्ही फिल्ममध्ये पाहिलीच असेल. पण प्रत्यक्षातही असाच एक व्हिडीओ समोर आला आहे.
एकाच बॉयफ्रेंडसाठी दोन गर्लफ्रेंड आपसात भिडल्या आहात. भररस्त्यात या दोघींनी एका तरुणासाठी राडा घातला आहे. दोघीही अक्षरशः एकमेकींच्या जीवावर उठल्या आहेत. व्हिडीओत पाहू शकता दोन तरुणी रस्त्यात एकमेकींशी फाइट करताना दिसत आहे. दोघींनीही एकमेकांना धरलं आहे. एकमेकांचे केस खेचत आहेत, झिंझ्या उपटत आहे. त्यानंतर दोघीही एकमेकांना सटासट कानाखाली मारताना दिसत आहेत.
सड़क पर ही भिड़ गईं दो लड़कियां. खूब चले थप्पड़…स्थानीय लोगों के मुताबिक, ब्वॉयफ्रेंड के लिए दोनों लड़कियों में मारपीट हुई. मामला बिहार के छपरा जिले का है. #Bihar #Chapra #BiharNews #ViralVideos pic.twitter.com/e81NXrOZcS
— Sonu Sharma (@sonu2media123) September 18, 2022
त्याच्या आजूबाजूला तरुण-तरुणी दिसत आहे. सुरुवातीला ती तरुणी या दोघांमध्ये मध्यस्थी करत त्यांची भांडणं सोडवण्याचा प्रयत्न करते. पण दोघीही ऐकत नाहीत. दोघींपैकी एकही मागे हटत नाही. तिथंच आणखी एक तरुण आहे, तो तर या तरुणींची फायटिंग पाहून इतका घाबरला आहे की त्यांच्यात पडण्याची त्याची हिंमतही नाही. तिथं असलेल्या लोकांना तो बोलावतो आणि यांना थांबवा असं सांगताना दिसतो.
बराच वेळ दोघी अशाच लढत राहतात. थोड्या वेळाने आपोआप शांत होतात आणि लढाई थांबवून भांडताना दिसतात. त्यानंतर आपापल्या मार्गाने निघून जातात. ट्विटर अकाऊंटवर हा व्हिडीओ पोस्ट करण्यात आला आहे. पोस्टमध्ये दिलेल्या माहितीनुसार हा व्हिडीओ बिहारमधील आहे. स्थानिकांनी सांगितल्यानुसार एका बॉयफ्रेंडसाठी या दोघी तरुणी लढत होत्या, असंही या पोस्टमध्ये म्हटलं आहे.
