४० वर्ष जुना पूल कोसळला अन दोन्ही अडकले !

जळगाव मिरर | २५ सप्टेंबर २०२३

देशातील अनेक राज्यात पावसाचा जोर वाढत असल्याने अनेक गावातील पूल कोसळल्याची घटना समोर येत असतांना तब्बल ४० वर्षे जुना जीर्ण पूल कोसळल्याची बातमी गुजरातमधील सुरेंद्रनगरातून समोर आली आहे.

मिळालेल्या माहितीनुसार, गुजरातमधील सुरेंद्रनगर येथे एक ट्रक पुलावरून जात असताना पुलाचा काही भाग तुटून खाली पडला. यामुळे ट्रक थेट भोगावो नदीत पडला. त्याचवेळी दोन दुचाकीही पुलावरून जात असल्याने त्याही पुलावरून खाली पडल्या. यात चार जण गंभीर जखमी झाले. जखमींना उपचारासाठी रुग्णालयात पाठवण्यात आले आहे.

Update From gujrat #GujaratModel #Bridge #collapsed in #Surendranagar , #Gujarat .

10 ppl swept away, 6 still missing.
Modi's #GujaratModel#GujaratiNews pic.twitter.com/rolbOCWTl2

— ANSHULGAUTAM (@ANSHULGAUTAMM) September 25, 2023

घटनेची माहिती मिळताच स्थानिक प्रशासन घटनास्थळी पोहोचले. मदत व बचावकार्य सुरू करण्यात आले. ११० गावांना जोडणारा हा मुख्य पूल होता. त्यामुळे हा पूल पडल्याने या सर्व गावांचा संपर्क आता तुटला आहे. अनेक दिवसांपासून नवीन पूल बांधण्याचा प्रस्ताव येत होता, मात्र प्रशासन केवळ पुलाची डागडुजी तो वापरात आणत होते. प्रशासनाकडून पुलाची नीट दुरुस्ती न केल्याने ही घटना घडल्याचा आरोप नागरिकांनी केला आहे. हा पूल अवजड वाहनांसाठी धोक्याचा होता, तरीही त्या पुलावरून वाहने जात असल्याने पूल कोसळल्याची घटना समोर आली आहे.