जळगाव मिरर | २४ मार्च २०२६
शिवसेना (उद्धव बाळासाहेब ठाकरे) पक्षाच्या उपनेत्या सुषमा अंधारे यांनी आज पुन्हा एकदा राज्य महिला आयोगाच्या माजी अध्यक्षा रुपाली चाकणकरांवर टीका केली. सुषमा अंधारेच्या आरोपानुसार, राष्ट्रवादी काँग्रेसचे प्रदेशाध्यक्ष सुनील तटकरे आणि महिला प्रदेशाध्यक्ष रुपाली चाकणकर यांच्या बोटांना दरवाज्यात अडकल्यामुळे जखमा झाल्या, हा कमालीचा योगायोग आहे.
सुषमा अंधारे यांनी काही दिवसांपूर्वी रुपाली चाकणकरांवर भोंदू अशोक खरात यांच्या सल्ल्याने अनामिकेला कापल्याचा खळबळजनक आरोप केला होता. या आरोपासोबत त्यांनी काही फोटोही शेअर केले होते, ज्यात चाकणकरांच्या अनामिकेला जखम झाल्याचे दिसत होते. मात्र, रुपाली चाकणकरांनी एका व्हिडिओद्वारे या आरोपांचे जोरदार खंडन केले. व्हिडिओत धायरीच्या गणेश मंडळाचा एक पदाधिकारी सांगताना दिसत आहे की, रुपाली चाकणकरांच्या अनामिकेला दरवाज्यात अडकल्यामुळे जखम झाली.
सुषमा अंधारे यांनी त्यांच्या यासंबंधी म्हणालं की, रुपाली चाकणकरांना अध्यक्षपदावरून पायउतार झाल्यानंतर तब्बल चार दिवसांनी अनामिकेला नेमके काय झालं याचा खुलासा झाला आहे. त्यांच्या मते, त्यांच्या व्हॉट्सएप स्टेटस आणि बातम्यांवरून हे स्पष्ट होतं की जखम दरवाज्यात अडकल्यामुळे झाली.
राष्ट्रवादी काँग्रेसचे प्रदेशाध्यक्ष सुनील तटकरे यांनी सुद्धा पत्रकार परिषदेत सांगितले की, त्यांच्या तर्जनीला सुद्धा दरवाज्यात अडकल्यामुळे जखम झाली. सुषमा अंधारे यांनी ह्या योगायोगावर आश्चर्य व्यक्त करत, हातातले गंडेदोरे, ईशान्येश्वराची पूजा, बोटाला होणारी जखम – सर्व काही दरवाज्यात अडकण्यामुळे झालं, असं म्हटलं आहे.
रुपाली चाकणकरांच्या कार्यकर्त्यांनी सांगितलं की, त्यांच्या ताईंना दरवाज्यात अडकल्यामुळे जखम झाली होती. परंतु चाकणकर स्वतः दोन तारखेला अजितदादांच्या दौऱ्यात असल्याचं सांगतात. सुषमा अंधारे यांच्या मते, तटकरेच्या बोटाला झालेली जखम सुद्धा दरवाज्यात अडकल्यामुळे झाली, हा खूप मोठा योगायोग आहे. या प्रकरणामुळे राजकीय वर्तुळात जोरदार चर्चेला उधाण आलं असून, सोशल मीडियावर दोन्ही पक्षांच्या समर्थकांमध्ये विरोधाभासी प्रतिक्रिया पाहायला मिळत आहेत.
