जळगाव मिरर / २३ ऑक्टोबर २०२२
23 ऑक्टोबर रोजी मलायका अरोरा 49 वा वाढदिवस साजरा करत आहे. मलायकाचा बॉयफ्रेंड अर्जुन कपूरने तिला खास अंदाजात वाढदिवसाच्या शुभेच्छा दिल्या आहेत. अभिनेत्याने सोशल मीडियावर त्याची लेडी लव्ह मलायकासोबतचा एक रोमँटिक फोटो शेअर केला आहे. फोटोमध्ये अर्जुन रोमँटिक अंदाजात तिच्याकडे बघताना दिसतोय. मलायका-अर्जुनचा हा फोटो सोशल मीडियावर चर्चेत आहे.सोशल मीडियावर लोक तिला वाढदिवसाच्या शुभेच्छा देत आहेत.
अर्जुनने रोमँटिक पद्धतीने दिल्या शुभेच्छा
शनिवारी रात्री 12 वाजता अर्जुनने त्याच्या इंस्टाग्राम अकाउंटवर मलाइकाला शुभेच्छा देताना लिहिले – हॅपी बर्थडे बेबी, तू जशी आहेस तशीच राहा, कायम माझीच राहा.’ मलायकानेही अर्जुनच्या पोस्टवर प्रतिक्रिया दिली. तिच्या इंस्टाग्राम स्टोरीवर पोस्ट शेअर करताना अभिनेत्रीने लिहिले- ‘मी फक्त तुझीच आहे.’ फोटोमध्ये मलायका गोल्डन कलरच्या आउटफिटमध्ये दिसत आहे, ज्यामध्ये ती खूपच स्टायलिश दिसत आहे.
बी-टाऊनच्या सेलिब्रिटींनी दिल्या मलायकाला शुभेच्छा
या पोस्टवर अनेक बी-टाऊन सेलिब्रिटींनी अर्जुनला शुभेच्छा दिल्या आहेत. या कपलच्या पोस्टवर अभिनेत्री तारा सुतारियाने हार्ट इमोजी पोस्ट केला आहे. अनेक सेलिब्रिटींनीही मलायकाला वाढदिवसाच्या शुभेच्छा देत आहेत. सेलिब्रिटींशिवाय मलायकाच्या चाहत्यांनीही तिला वाढदिवसाच्या शुभेच्छा दिल्या आहेत. मलायका आणि अर्जुनने 2019 मध्ये त्यांचे नाते अधिकृत केले. तेव्हापासून ते प्रत्येक मुलाखतीत आपल्या नात्याबद्दल मोकळेपणाने बोलतात. अनेकवेळा या दोघांच्या लग्नाच्या बातम्याही मीडियामध्ये आल्या आहेत, मात्र आतापर्यंत या दोघांनी लग्नाच्या वृत्ताला दुजोरा दिलेला नाही. जेव्हा या दोघांनी त्यांचे नाते अधिकृत केले तेव्हा त्यांना ट्रोलिंगला सामोरे जावे लागले होते.
