जळगाव मिरर / ७ नोव्हेंबर २०२२
आम आदमी पार्टीने जिल्ह्यातील निवडणुकीसाठी कंबर कसली असून त्यासाठी जिल्ह्यातील विविध दौरे करण्यासाठी आम आदमी पार्टीचे पदाधिकारी पुढे सरसावले आहे. तर नुकतीच पधाधिकाऱ्यानी पारोळा येथे बैठक घेतली आहे.
सविस्तर वृत्त असे कि, दि. ६ रविवार रोजी आम आदमी पार्टीची जळगाव जिल्हा मिटींग पारोळा येथे जिल्हा संयोजक तुषार निकम सर यांच्या अध्यक्षतेत घेण्यात आली. १) जिल्ह्यात विविध नगरपालिका, ग्रामपंचायत, पंचायत समिती, जिल्हा परिषद आणि विविध सहकारी संस्था यांच्या निवडणुका आहेत. आजपर्यंत जळगाव जिल्ह्यात आम आदमी पार्टीचे ६ -७ हजारांपर्यंत संघटन आहे. त्यातून व सामाजिक भान जपत आदर्श व्यक्ती आम आदमी पार्टीचे उमेदवार होऊ इच्छित असतील, तर त्यांची चाचपणी करण्यासंदर्भात सर्व तालुका संयोजकांना सूचना देण्यात आल्यात.कारण, वरील सर्व निवडणुका सक्षम आणि यशस्वीपणे लढण्यासाठी या मिटींग मध्ये चर्चा करण्यात आली. २) गुजरात विधानसभा निवडणुकीसाठी आपापल्या गावांमधील बंधु – भगिनी जे गुजरात मध्ये स्थायिक आहेत. त्यांना फोन वरून किंवा प्रत्यक्ष भेटून आम आदमी पार्टीच्या उमेदवारांचा प्रचार करावा असेही सर्वानुमते ठरवण्यात आले. ३) आता आम आदमी पार्टी सर्व शहरांत व खेड्यापाड्यात झपाट्याने वाढत आहे. अशा वेळी टिम बांधणी, गट बांधणी करतांना सावधानी बाळगावी. कटकारस्थानाने विरोधकांकडून काही बदमाश कार्यकर्ते आप मध्ये पाठवले जाऊ शकतात. त्यांच्या कुटील कारवाया जागच्या जागी मोडून काढाव्यात व आपले संघटन आदर्श बनवावे.अशीही चर्चा करण्यात आली. ४) अॅड. राहुल जाधव यांची सर्वानुमते जिल्हा विधी सल्लागार पदी नियुक्ती करण्यात आली. या व अशा विषयांवर चर्चा करण्यात आली.
त्यावेळी जिल्हा संयोजक, तुषार निकम, सह संयोजक प्रा. गणेश पवार, सचिव डॉ. महेश पवार,जळगाव महानगर कार्याध्यक्ष योगेश हिवरकर, रावेर लोकसभा क्षेत्र प्रमुख युवराज महाजन,आम आदमी शेतकरी संघटनेचे राज्य सचिव शिवाजी पाटील,शेतकरी संघटनेचे जिल्हाध्यक्ष गोकुळ पाटील,जिल्हा मिडीया प्रमुख योगेश भोई,चाळीसगाव तालुका संयोजक अॅड. राहुल जाधव,अमळनेर तालुका संयोजक संतोष पाटील, भुसावळ तालुका संयोजक प्रमोद पाटील,पारोळा तालुका संयोजक गंगाराम महाजन, भडगाव तालुका संयोजक अॅड. के. टी. पाटील, चाळीसगाव शहर सचिव उमेश ब्राम्हणकार, चाळीसगाव तालुका मिडिया प्रमुख ललित बिडे, योगेश पाटील (जुवार्डी). वरणगाव शहर संयोजक. विजय सुरवाडे.जळगाव महानगर उपाध्यक्ष.डॉ. नारायण आटकोरे सर. जळगाव महानगर संघटक प्रमुख.रत्नाकर खरोटे. माधवराव जाधव. आधी कार्यकर्ता मोठ्या संख्येने उपस्थित होते.
