जळगाव मिरर । ९ डिसेंबर २०२२
आतापर्यंत तुम्ही पब्जी गेम खेळताना लहान मुलांच्या दुर्दैवी घटना घडल्या आहेत. पण हाच गेम खेळताना लातुरमध्ये अगदी उलट घडलं आहे. ऑनलाईन गेम खेळता खेळता मुलगा, मुलगी एकमेकांच्या संपर्कात आले. दोघांची मैत्री झाली.
मैत्रीचं रुपांतर पुढं प्रेमात झालं.त्यानंतर दोघं लग्नबंधनात अडकले. आता लग्नाला १ महिना झाला आहे.दोघांचा संसार अगदी आनंदात सुरू आहे.लातुरमधील एक तरुण Pubg खेळता खेळता नैनितालमधील एका तरुणीच्या प्रेमात पडला.2 वर्षे त्यांचे प्रेमसंबंध होते.त्यानंतर तरुणी नैनितालहुन पळाली आणि लातुरला आली.दोघांनी लग्न केलं.
लातुर शहरात राहणारा योगेश दीड वर्षांपुर्वी Pubg खेळता खेळता उत्तराखंडमध्ये राहणाऱ्या शीतलच्या संपर्कात आला.दोघं एकमेकांच्या प्रेमात पडले.व्हॉट्स चॅटपासुन सुरू झालेलं संभाषण video कॉलपर्यंत पोहोचलं.लग्नाआधी दोघे एकदाच भेटले होते महिन्याभरापुर्वी त्यांनी भोपाळमध्ये लग्न केलं आणि नंतर लातुरमध्ये येऊन घरी सोबत राहु लागले. तरुणीचा ठावठिकाणा सापडत नसल्यानं नैनितालमध्ये असलेल्या तिच्या पालकांनी पोलीस ठाण्यात तक्रार नोंदवली.नैनिताल पोलीस तरुणीला माघारी नेण्यासाठी लातुरला परतले.मात्र तिनं स्वत:च्या मर्जीनं लग्न केलं असल्यानं आणि ती सज्ञान असल्यानं पोलिसांना तिच्याशिवाय परतावं लागलं.
