जळगाव मिरर / १६ डिसेंबर २०२२
कर्नाटकातील एका शाळेतील घटनेचा व्हिडिओमुळे सोशल मीडियावर प्रचंड खळबळ उडाली आहे. शाळेच्या वसतिगृहात अल्पवयीन मुलीची छेड काढल्याप्रकरणी हेडमास्तरला पोरींनी धुतला असल्याचे यात दिसून आलं. त्याचा व्हिडीओ सध्या धुमाकूळ घालताना दिसतोय. त्यामुळे सर्वत्र या व्हिडीओची चर्चा होताना दिसत आहे.
कर्नाटकातील श्रीरंगपटना येथील काटेरी सरकारी हायस्कूलमध्ये ही घटना घडल्याची माहिती समोर आली आहे. जिथं शाळकरी मुलींनी मुख्याध्यापकानं शाळेच्या वसतिगृहात एका अल्पवयीन विद्यार्थिनीशी गैरवर्तन केल्याचा आरोप करण्यात आलाय.
#mandya A senior teacher of a govt school in Kattigeri beaten up by students before handing him over to police.There were several complaints of sexual misconduct against Chinmayanand.Yesterday,students got together & hit him with sticks for harassing a girl student #Karnataka pic.twitter.com/ud2WSMCkLx
— Imran Khan (@KeypadGuerilla) December 15, 2022
पांडवपुरा तालुक्यातील काटेरी गावातील शाळेच्या वसतिगृहातील मुलींनी सोबती राहणाऱ्या एका अल्पवयीन मुलीशी गैरवर्तन केल्याचा आरोप केली. त्यानंतर मुलींनी स्वत: काठ्या आणि चपला हातात घेऊन मुख्याध्यापकाला बेदम मारहाण केली. मुख्याध्यापकाने स्वत:चा बचाव करण्याचा प्रयत्न केला. मात्र, पोरींनी काही सोडलं नाही. दरम्यान, छेड काढणाऱ्या हेडमास्तरला साधं सुधं नाही, तर मास्तरला बेक्कार चोपलाय. त्यानंतर त्यांनी पोलिसांनी बोलवून हेडमास्तरला पोलिसांच्या ताब्यात दिलं. मास्तरने मुलीला एका वर्गात बोलवलं आणि तिच्याशी जबरदस्ती करण्याचा प्रयत्न केला. तिला अश्लील व्हिडीओ देखील दाखवण्याचा प्रयत्न केला. तसेच कोणाला सांगितलं तर शाळेतून काढून टाकण्याची धमकी देखील दिल्याचा आरोप मुलीने केला आहे.
