जळगाव मिरर । १९ डिसेंबर २०२२
चाळीसगाव तालुक्यातील एका गावात मध्यरात्रीच्या सुमारास जावई सासऱ्याच्या घरात घुसत ५ हजार रुपये व कागदपत्र चोरी केल्याची घटना उघडकीस आली आहे. या प्रकरणी मेहूणबारे पोलिसात गुन्हा दाखल करण्यात आला आहे.
सविस्तर वृत्त असे कि, चाळीसगाव तालुक्यातील तीरपोळे येथील रहिवासी सेवानिवृत्त सपोनि भीमराव रामा चव्हाण (वय ६६) यांच्या घरात दि १७ रोजी मध्यरात्री २ वाजेच्या सुमारास दरवाजाचा कडी कोयंडा तोडत घुसत त्यांच्या घरातील कपाटातून ५ हजार रुपये व त्यांच्या मुलीचे महत्वाचे असलेले कागदपत्रे चोरून नेल्याची घटना घडली आहे. या प्रकरणी भीमराव राम चव्हाण यांनी मेहुणबारे पोलिसात दिलेल्या फिर्यादीनुसार त्यांचा जावई संशयित आरोपी बाबासाहेब भालचद्र बोरसे(रा.साकोर,जि.नाशिक ) याच्या विरोधात घरफोडीचा गुन्हा दाखल करण्यात आला आहे. पुढील तपास पोहेकॉ.संजयकुमार पाटील हे करीत आहेत.
