जळगाव मिरर / १३ जानेवारी २०२३
देशात भव्य उभारले जाणारे अयोध्येतील राम मंदिराबाबत बांधकाम व्यवस्थापकाने मोठी माहिती दिली आहे. राम मंदिराचे बांधकाम ४५ टक्के पर्यंत पूर्ण झाले असून तळमजला 2023 च्या अखेरीस म्हणजेच डिसेंबर महिन्यात पूर्ण होईल आणि भाविकांसाठी खुला केला जाईल. तर पहिला आणि दुसरा मजल्यासाठी २०२४ उजाडणार आहे.राहिलेलं बांधकाम 2024 च्या नोव्हेंबर-डिसेंबर पर्यंत पुर्ण होण्याची शक्यता त्यांनी व्यक्त केली आहे. तर मंदिरासाठी उभारण्यात येत असलेल्या सर्व खांबांवर हस्तकलेच्या 16 शिल्पकृती मानवी आकृत्या असणार आहेत आणि त्यासाठी वेळ लागणार आहे.
UP | Ram Mandir's construction work has been finished upto 45%, ground floor will be finished by end of 2023 & will be opened for devotees. The 1st&2nd floors will continue to remain under construction for 9 months more after 2023: G Sahasrabhojanee, Designer Construction Manager pic.twitter.com/2yHNhS7acH
— ANI UP/Uttarakhand (@ANINewsUP) January 13, 2023
मात्र मंदिर भाविकांसाठी खुले केल्यानंतरही खांबांवर शिल्पकृतींचे काम सुरू राहणार आहे. अयोध्येचा काही भाग भूकंप शास्त्रीयदृष्ट्या उच्च-तीव्रतेच्या भूकंपप्रवण क्षेत्रात येतो आणि या मंदिराची रचना या सर्व बाबी लक्षात घेऊनच करण्यात आले आहे. दरम्यान सरयू नदीमुळे या काही भागात जमीन खचली म्हणून मंदिराचा पाया मजबूत ठेवण्यासाठी पाया भक्कम बनवण्यात आला आहे. या मंदिराचा पाया पुढील 1,000 वर्षे भक्कमपणे उभा राहील, असा दावा ही बांधकाम व्यवस्थापकाने केला आहे. दरम्यान केंद्रीय गृहमंत्री अमित शहा यांनी काही दिवसांपुर्वी सांगितलं होतं की, 1 जानेवारी 2024 रोजी अयोध्येत राम मंदिर तयार होईल. विशेष म्हणजे देशात 2024 मध्येच लोकसभेच्या निवडणुका होणार आहेत. अशा स्थितीत राम मंदिराच्या उद्घाटनाची तारीखेची घोषणा भाजपच्या मतांच्या राजकारणाशी जोडली जात आहे.
