जळगाव मिरर / २१ फेब्रुवारी २०२३ ।
जळगाव शहर महानगर पलीकेजवळील नाथ प्लाझा समोरील गोलाणी मार्केट परिसरातील दुकानाला आग लागून लाखो रुपयांचा माल जळून खाक झाला. नाथ प्लाझा समोर गोपाल पलोड यांच्या मालकीचे भारत एजन्सी नावाने दुकान आहे. त्यांच्या दुकानात पतंजलीच्या मालाची विक्री केली जाते सोमवारी सायंकाळी ७.३० वाजेच्या सुमारास अचानक त्यांच्या दुकानातू धूर निघत होता.
हा प्रकार शेजारील दुकानदारांच्या लक्षात आल्यावर त्यांनी लागलीच पलोड यांना फोन करुन तुमच्या दुकानात आग लागल्याची माहिती दिली. पलोड यांनी कुटुंबियांसह दुकान गाठले. काही मिनिटांनी अग्निशमन विभागाचे बंद सुध्दा घटनास्थळ दाखल झाले. तीन बंबांच्या मदती दुकानातील आग विझविण्यात आली मात्र, आगीत लाखो रुपयांचा माल जळून खाक झाला. ही आग शॉट सर्किटमुळे लागली असण्याच शक्यता वर्तविण्यात येत आहे.
