एका घटनेचा गेल्या दोन दिवसपासून सोशल मिडीयावर मोठ्या प्रमाणात व्हिडीओ व्हायरल होत आहे. त्यातील आता सत्य समोर आले आहे. घरकाम सोडल्याच्या रागातून एका व्यक्तीने तरुणीवर थेट कोयत्यानेच हल्ला केला. यामुळे ती गंभीर जखमी झाली. या घटनेचा व्हिडिओही समोर आला आहे. यामध्ये आरोपीने एका हातात कोयता धरलेला आहे आणि दुसऱ्या हाताने मुलीचे केस धरून ओढत नेताना दिसतो आहे. हि घटना छत्तीसगडची राजधानी रायपूरमधून एक खळबळजनक घटना घडली आहे.
मिळालेल्या माहितीनुसार, किराणा व्यापारी ओंकार तिवारी यांच्या घरी १५-१६ वर्षीय अल्पवयीन मुलगी गुढियारी पाडाव येथे घरगुती कामासाठी जात होती. काही कारणास्तव तिने नोकरी सोडली होती आणि ती थकबाकी मागत होती. काम सोडून पैसे मागितल्याचा राग आल्याने ओंकारने तिच्यावर जीवघेणा हल्ला केला. त्याने मुलीचे केस ओढत तिला धरून नेत आहे. यावेळी त्याच्या एका हातात कोयताही होता. कसातरी जीव वाचवत ती घरी पोहोचली.
या हल्ल्यात जखमी झालेल्या मुलीला आंबेडकर रुग्णालयात दाखल करण्यात आले आहे. तिची प्रकृती गंभीर असल्याचे सांगण्यात येत आहे. याची माहिती मिळताच पोलिसांनी आरोपीला अटक केली आहे. मुलीवर हल्ला करणारा व्यक्ती घटनेच्या वेळी मद्यधुंद अवस्थेत असल्याचे सांगण्यात येत आहे. या संपूर्ण प्रकरणात रायपूरचे पोलीस अधीक्षक प्रशांत अग्रवाल यांनी सांगितले की, १६ वर्षीय तरुणीवर धारदार शस्त्राने हल्ला केल्याची घटना समोर आली आहे. ही मुलगी तिच्यावर हल्ला करणाऱ्या व्यक्तीच्या घरी काम करत असे. काम सोडल्याने आणि अन्य काही कारणावरून त्याने हा हल्ला केला आहे.
दुसरीकडे, पीडितेच्या भावाने सांगितले की, तो एका भागात आई आणि बहिणीसोबत राहतो. लॉकडाऊनच्या काळात तिवारी मसाला सेंटरमध्ये त्यांची बहीण जवळपास १ महिना कामावर गेली होती. शाळा उघडल्यानंतर बहिणीने कामावर जाणे बंद केले होते. मात्र ओंकार तिवारी तिला कामाच्या ठिकाणी वारंवार फोन करून आपली बहीण पसंत असल्याचे सांगत होता. रविवारी संध्याकाळी आईने फोन करून सांगितले की बेटा लवकर घरी ये. यावर त्याने घरी पोहोचल्यानंतर जखमी बहिणीला तिच्या आईसह उपचारासाठी रुग्णालयात नेले. यादरम्यान त्याची आई म्हणाली, “ओंकार मला म्हणाला की, मी तुझ्याकडे तुझ्या मुलीला लग्नाची मागणी घालतो आहे. मी तिचा पत्नी म्हणून स्वीकार करतो. नंतर मी त्याला नकार दिला. मी म्हणाले की, माझी मुलगी लहान आहे. ती तुझ्याशी लग्न करणार नाही. म्हणून आज त्याने तिला मारण्याचा प्रयत्न केला आणि तिच्या गळ्यावर, हातावर आणि पायावर वार केले.”
पहले गंडासे से सर फाड़ा, पूरे शरीर पर हमला किया और फिर पूरे रायपुर में लड़की को घसीटते हुए चलता रहा। डेढ़ घंटे तक यह तमाशा चलता रहा और छत्तीसगढ़ पुलिस कुछ ना कर सकी। लड़की की हालत नाज़ुक बनी हुई है। pic.twitter.com/jdUKV5jYuy
— Shobhna Yadav (@ShobhnaYadava) February 19, 2023
घटनास्थळाजवळ पोलिसांना रॉकेलने भरलेला कॅन सापडल्याचे सांगण्यात येत आहे. मुलीची हत्या केल्यानंतर तिला जाळण्याचा कट आरोपींनी रचल्याची भीती व्यक्त करण्यात येत आहे. मात्र, पोलिसांनी याप्रकरणी कोणतीही माहिती दिलेली नाही.या प्रकरणी पोलीस तपास करत आहेत दारूच्या नशेत असल्याने आरोपी बोलण्याच्या मनस्थितीत नाही. मुलगी शुद्धीवर आल्यानंतर या मुलीवर झालेल्या खुनी हल्ल्यामागचे खरे कारण समजेल. पोलिसांनी या प्रकरणाचा तपास सुरू केला आहे.
