अमळनेर : विक्की उत्तम जाधव
संत गाडगे बाबा यांनी सार्वजनिक स्वच्छता, अंधश्रद्धा निर्मूलन ही तत्वे समाजात रुजवण्यासाठी अथक परिश्रम घेतले. समाजातील अनिष्ट रुढी परंपरा विरोधात त्यांनी कीर्तनातून प्रबोधन केले. गावोगावी ग्राम स्वच्छतेचे धडे देणारे संत गाडगे महाराज यांना जयंती दिनानिमित अमळनेर शहरातील पाचपाऊली येथील संत गाडगे बाबा यांच्या प्रतिमापूजन ह.भ.प.प्रसाद महाराज अमळनेरकर यांच्या हस्ते झाले. यावेळी समाज बाधव मोठ्या संख्येने सहभागी झाले होते. यावेळी ‘गोपाला गोपाला देवकीनंदन गोपाला’ चा जयघोष करण्यात आला.
तर दुपारी ४ वा. संत सखाराम महाराज वाडी येथून राष्ट्र संत गाडगेबाबा यांची मिरवणूक मोठ्या जल्लोषात काढण्यात आली. या मिरवणुकीमध्ये प्रथम ढोल ताशाचा गजर त्यात सहभागी समाजातील महिला मंडळ, त्यानंतर समाज बाधव मोठ्या संख्येने सहभागी झाले होते. मिरवणुकीच्या मार्गावात भव्य दिव्य असा रांगोळी टाकण्यात आले होते. यावेळी संत गाडगे बाबांचे प्रसिद्ध कीर्तनाच्या गजरात मिरवणूक उत्साहात झाली. या अमळनेर युवा परीट मंडळ आणि परदेशी धोबी समाज अमळनेर यांच्या संयुक्त विद्यमाने मिरवणूक झाली. यावेळी रविद्र जाधव व राकेश परदेशी यांच्या हस्ते आरती करण्यात आली. मिरवणूक समारोपावेळी परदेशी धोबी समाजातर्फे सरबत वाटप करून मिरवणुकीची सांगता करण्यात आली.
