अमळनेर : विक्की उत्तम जाधव
शहरातील एका परिसरात १९ वर्षीय विवाहित तरुणीचा चार जणांनी विनयभंग केल्याची धक्कादायक घटना उघडकीस आली आहे. या प्रकरणी अमळनेर पोलिसात गुन्हा दाखल करण्यात आला असून तीन संशयित आरोपी पोलिसांनी ताब्यात घेतले आहे.
मिळालेली माहिती अशी कि, शहरातील एका परिसरातील महाविद्यालयाच्या गेटबाहेर जात असतांना १९ वर्षीय विवाहितेच्या मागे ४ तरुण पाठलाग करीत विवाहितेला चुकीचा शब्दाचा वापर करीत बोलविले तर त्यातील एकाने विवाहितेजवळ येत तिच्या मनास लज्जा उत्पन्न होईल असे कृत्य केले तर तिघांनी त्या तरुणाला याकामी मदत करीत होते. यावेळी विवाहितेला वाचविण्यासाठी तिच्या पती जवळ आला असता त्यालाही लाथा बुक्यांनी मारहाण केल्याची घटना दि ३ रोजी दुपारी २ वाजेच्या सुमारास घडली या प्रकरणी चौघाविरोधात अमळनेर पोलिसात गुन्हा दाखल करण्यात आला असून पुढील तपास पोहेकॉ.प्रमोद पाटील हे करीत आहे तर यातील तीन संशयित आरोपींना पोलिसांनी ताब्यात घेतले आहे.
