जळगाव मिरर | २२ जुलै २०२३
जळगाव जिल्ह्यात दोन दिवसापासून पावसाचा कहर सुरु असताना जळगाव शहराचे माजी महापौर विष्णू भंगाळे यांचे बंधू जिल्हा केमिस्ट संघटनेचे अध्यक्ष सुनील भंगाळे यांच्या चारचाकी गाडीचे टायर फुटून पलटी झाली. यावेळी चारचाकीमध्ये ४ व्यक्ती जण होते.
मिळालेल्या माहितीनुसार, शहरातील माजी महापौर विष्णू भंगाळे यांचे बंधू जिल्हा केमिस्ट संघटनेचे अध्यक्ष सुनील भंगाळे हे दि. २२ रोजी भुसावळकडून जळगावच्या दिशेने येत असतांना दुपारी ४ वाजेच्या सुमारास त्यांच्या चारचाकी क्र.नंबर एमएच 19 सीओ 8240 या गाडीचे टायर फुटल्याने वाहन चालकाचा नियंत्रण सुटल्याने चारचाकी गाडी पलटी झाली. हा अपघात नशिराबाद पुलावर झाला असून गाडीने पलटी घेतल्यावर रस्त्याने जाणाऱ्या नागरिकांनी लागलीच धाव घेत चारचाकी असलेल्या सर्वाना बाहेर काढून जीवदान दिले आहे. या चारचाकीत सुनील भंगाळे यांच्या समवेत जळगाव जिल्हा संघटनेचे सचिव अनिल झंवर, इरफान सालार, दिनेश मालू हे देखील होते. या अपघातात कोणालाही इजा पोहचली नाही. सर्व जण सुखरूप आहेत. ही चारचाकी जिल्हा सचिव अनिल झंवर यांची होती. सर्वांवर प्राथमिक उपचार करून घरी सोडण्यात आले आहे.
