जळगाव मिरर | ५ ऑगस्ट २०२३
जळगाव जिल्ह्यातील एका विकृत घटनेने समाजमन्न सुन्न झाले होते. ती घटना म्हणजे भडगाव तालुक्यातील एका गावामधील सात वर्षीय चिमुकलीचे अपहरण करून तिचा खून केल्याप्रकरणी संशयित आरोपी स्वप्निल उर्फ सोन्या विनोद पाटील (१९) याला शुक्रवारी न्यायालयात हजर केले असता त्याला ९ ऑगस्टपर्यंत पोलिस कोठडी सुनावण्यात आली.
मिळालेल्या माहितीनुसार, ३० जुलै रोजी भडगाव तालुक्यातील एक सात वर्षीय चिमुकली ही बेपत्ता झाली होती. दोन दिवसांनी तिचा मृतदेह कडब्याखाली आढळून आला होता. चौकशीअंती स्वप्निल यानेच तिचा खून केल्याची बाब समोर आली होती. शुक्रवारी भडगाव पोलिसांनी त्याला जिल्हा न्यायालयात हजर केले असता त्याला ९ पर्यंत पोलिस कोठडी सुनावली आहे. सरकार पक्षातर्फे जिल्हा सरकारी वकील सुरेंद्र काबरा यांनी काम पाहिले.
