जळगाव मिरर | १९ ऑगस्ट २०२३
जळगाव शहरातील गोविंदा रिक्षा थांब्याजवळ बसलेल्या वृद्ध महिलेची पाच हजार रुपये ठेवलेली पैशांची पिशवी चोरट्याने चोरून नेली. ही घटना शुक्रवार, १८ ऑगस्ट रोजी सकाळी घडली. या प्रकरणी शहर पोलिस ठाण्यात चोरट्याविरोधात गुन्हा दाखल करण्यात आला.
मिळालेल्या माहितीनुसार, गेंदालाल मिल परिसरात राहणाऱ्या सुमनबाई नारायण पाटील (६२) या वृद्ध महिला धुणीभांडी करून आपला उदरनिर्वाह करतात. १८ ऑगस्ट रोजी सकाळी ८ वाजता त्या धुणीभांडी करण्यासाठी गोविंदा रिक्षा स्टॉपजवळील एका फर्निचर दुकानासमोर आल्या. थोडा थकवा वाटू लागल्याने, दुकानाच्या पायऱ्यावर बसल्या व कमरेला असलेली पैशांची पिशवी बाजूला ठेवली. त्यावेळी एक अज्ञात व्यक्तीने बाजूला बसण्याचे सांगून त्यांची ५ हजार रुपये ठेवलेली पैशांची पिशवी घेऊन पसार झाला. वृद्ध महिलेने आरडाओरड केली, तोपर्यंत चोरटा पसार झाला होता. महिलेने शहर पोलिस ठाण्यात फिर्याद दिली.त्यावरून चोरट्याविरोधात गुन्हा दाखल करण्यात आला. पुढील तपास पोकॉ. योगेश पाटील करीत आहेत.
