जळगाव मिरर | ९ नोव्हेंबर २०२३
जळगाव जिल्ह्यातील अनेक ठिकाणी विनापरवाना अवैध लाकडांची वाहतूक सुरु असताना पोलिसांनी एका संशयित आरोपीवर कारवाई करीत एमआयडीसी पोलीस स्टेशनमध्ये गुन्हा दाखल करण्यात आला आहे.
मिळालेल्या माहितीनुसार, एमआयडीसी पोलीस स्टेशनचे पोलीस निरीक्षक जयपाल हिरे यांना गुप्त बातमी मिळाली होती. दि. ८ नोव्हेंबर रोजी टाटा कंपनीचा छोटा हत्ती वाहन (क्रमांक एमएच १५ डीके ३५६) या वाहनामध्ये अवैध लाकडाची वाहतुक होत आहे. बातमीनुसार संध्याकाळी साडेपाच वाजता नेरी नाका, पांचाळ गल्ली समोर रोडवर जळगाव टाटा कंपनीचा छोटा हत्ती वाहन मिळुन आले होते. त्यामधे निंब जातीच्या झाडाचे ओले लाकुड मिळाले होते. वाहनावर असलेला चालक सैय्यद मुस्तकिन सैय्यद मुनाफ (वय २५ वर्ष रा. लकड़ी वखार, शिवाजी नगर, जळगाव) हा लाकुड वाहतुकिचा परवाना नसताना अवैध लाकडांची वाहतूक करताना मिळून आला. म्हणून त्याच वाहनासह ताब्यात घेऊन पुढील कारवाई कामी वनविभागाच्या ताब्यात देण्यात आलेले आहे.
यांनी केली कारवाई
सदरची कारवाई पोलीस निरीक्षक यांच्या मार्गदर्शनाखाली सहायक फौजदार अतुल वंजारी, योगेश बारी, सिद्धेश्वर डापकर, राहुल रगडे, विशाल कोळी यांनी केलेली आहे.
