जळगाव मिरर | १५ नोव्हेबर २०२३
अल्पवयीन मुलीसह तरुणी नेहमीच छेडखानीच्या घटनेला बळी पडत असून अनेक धक्कादायक घटना घडत असतात, अशीच एक घटना उत्तर प्रदेशमध्ये घडली आहे. छेडछाडीला कंटाळलेल्या महिलेने युवकाचं गुप्तांग कापल्याची घटना उत्तर प्रदेशच्या कौशंबी तालुक्यातील मंझनपूरच्या माखूपूर येथे घडली आहे.
मिळालेल्या माहितीनुसार, छेडछाडीला कंटाळलेल्या महिलेने युवकाला घरी बोलावून त्याचं गुप्तांग कापल्याची घटना घडली आहे. या घटनेत युवक गंभीर जखमी झाला आहे. या युवकाला उपचारासाठी रुग्णालयात दाखल करण्यात आलं आहे. या युवकाची प्रकृती नाजूक असल्याचं सांगण्यात येत आहे. या घटनेनंतर महिला घटनास्थळावरून फरार झाली आहे. छेडछाडीने कंटाळलेल्या महिलेने या युवकाला मंगळवारी सायंकाळी घरी बोलावलं. युवक महिलेवर विश्वास ठेवून तिच्या घरी गेला. त्यानंतर महिलेने युवकावर धारदार हत्याराने हल्ला केला. त्यानंतर महिलने या युवकाचं गुप्तांग कापून त्याला जखमी केलं. या हल्ल्यात युवक गंभीर जखमी झाला. युवकाने आरडाओरड केल्यानंतर आजूबाजूचे लोक धावून आले. त्यानंतर त्यांनी त्याला रुग्णालयात दाखल केलं. रुग्णालयात दाखल केलेल्या जखमी युवकाची प्रकृती नाजूक असल्याचं सांगण्यात येत आहे.
