जळगाव मिरर | २६ नोव्हेबर २०२३
आंघोळ करण्यासाठी बाथरुममध्ये गेलेल्या ३७ वर्षीय तरुणाचा अचानक बेशुद्ध होवून त्याचा मृत्यू झाल्याची दुर्देवी घटना शनिवारी सकाळच्या सुमारास जळगावात घडली. या घटनेत निलेश कमलाकर सोनवणे (वय ३७) या तरुणाचा दुर्देवी मृत्यू झाला आहे. याप्रकरणी शनिपेठ पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील कांचननगर परिसरात निलेश सोनवणे हा तरुण कुटुंबियांसह वास्तव्यास होता. शहरातील एका नामांकीत कापड दुकानात काम करुन तो कुटुंबाचा उदनिर्वाह करीत होता. शनिवारी सकाळी निलेश हा अंघोळ करण्यासाठी बाथरुममध्ये गेला. याठिकाणी तो अचानक बेशुद्ध होवून पडलेला होता. ही घटना त्याच्या कुटुंबियांच्या लक्षात येताच त्यांनी लागलीच बेशुद्ध अवस्थेत असलेल्या निलेशला जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी वैद्यकीय अधिकारी डॉ. नम्रता अच्छा यांनी त्याची तपासणी करीत मयत घोषीत केले. याप्रकरणी शनिपेठ पोलिसात अकस्मात मृत्यूची नोंद करण्यात आली आहे. या घटनेमुळे परिसरात देखील हळहळ व्यक्त केली असून शोककळा पसरली आहे. निलेश यांच्या पश्चात आई, पत्नी, भाऊ, मुलगा व मुलगी असा परिवार आहे.