जळगाव मिरर | १५ डिसेंबर २०२३
जळगाव जिल्ह्याला हादरवून टाकणारी घटना नुकतेच १४ डिसेंबर रोजी घडली आहे. जिल्ह्यातील एका मुलाने पाकिस्तानला भारतीय नौदलाची गुप्त माहिती पुरविल्या प्रकरणी गुन्हा देखील दाखल करण्यात आलेला आहे या दाखल गुन्हयातील संशयित गौरव पाटील हा तरूण जळगाव जिल्ह्यातील पाचोरा येथील असल्याची माहिती समोर आली असून त्याच्या पालकांनी आपला मुलगा निर्दोष असल्याचा दावा केला आहे.
मिळालेल्या माहितीनुसार, भारतातील प्रतिबंधित क्षेत्रातील गोपनीय व संवेदनशील माहिती पाकिस्तानच्या गुप्तचर विभागातील हस्तकाला देणाऱ्या तरुणाला राज्य दहशतवाद विरोधी पथकाने (एटीएस) अटक केली आहे. या प्रकरणी चौघांच्या विरोधात गुन्हा दाखल करण्यात आला असून यातील प्रमुख आरोपी गौरव अर्जुन पाटील हा जळगाव जिल्ह्यातील असल्याची माहिती काल उघड झाल्याने एकच खळबळ उडाली होती. दरम्यान, सध्या ठाण्यात वास्तव्यास असणाऱ्या तरुण पाकिस्तानातील गुप्तचर विभागातील हस्तकाला भारतातील प्रतिबंधित क्षेत्रातील गोपनीय व संवेदनशील माहिती देत असल्याची माहिती दहशतवाद विरोधी पथकाला मिळाली होती. त्या अनुषंगाने जळगाव जिल्ह्यातील पाचोरा येथील रहिवाशी गौरव पाटील याला ठाण्यातून अटक करण्यात आली आहे. या त्याचे आयटी चे शिक्षण झाले असून मुंबईच्या नेव्हल डॉक यार्डमध्ये सहा महिन्यांचे शिकाऊ शिक्षण घेतले होते. काल अचानक त्याला अटक करण्यात आल्याने एकच खळबळ उडाली असून याचा त्याच्या पालकांना मोठा धक्का बसला आहे.
